दहिसर : दहिसर परिसरात कोरोना विषाणूने आपले हातपाय पसरायला सुरुवात केली असून केतकीपाडा, आंबावाडी या झोपडपट्टीनंतर आता आयसी कॉलनी या उच्चभ्रू वस्तीतही कोरोनाबाधित रुग्ण आढळल्याने खळबळ माजली आहे.

साधी पाण्याची वाफ घ्या, पण अति करू नका, कारण...

केतकीपाडा येथील शांतीनगर, पडवळ चाळीत राहणाऱ्या एका २४ वर्षीय महिलेला बुधवारी कोरोना झाल्याचे स्पष्ट झाले. या महिलेला कांदिवलीतील डॉ. बाबासाहेब आंबेडकर रुग्णालयात उपचारासाठी दाखल केले आहे. तिचा पती आणि सासूलादेखील तपासणीसाठी रुग्णालयात दाखल करण्यात आले आहे. दहिसर (प.) प्रभाग क्रमांक ८ मधील आयसी कॉलनी मेरीलॅण्ड कॉम्प्लेक्‍समधील ४२ वर्षीय व्यक्तीस गुरुवारी कोरोना विषाणूचा संसर्ग झाल्याने त्याला उपचारासाठी रुग्णालयात दाखल करण्यात आले आहे.

धक्कादायक! अत्यावश्यक सेवेतील कर्मचाऱ्यांचीच सुरक्षा धोक्यात

ही व्यक्‍ती बोटीवर रिगचे काम करते. १९ मार्चला ती यूएईहून भारतात आली होती.  विमानतळावरच त्याच्या हातावर शिक्का मारत त्याला होम क्वारंटाईन करण्यात आले होते. त्यानंतर त्यांनी घरातील सर्वांना आईकडे राहायला पाठवत स्वतः एकटेच राहिले. तसेच त्यांच्या जेवणाचा डबा आईकडून दररोज येत होता; मात्र त्यांच्या जेवणाचा डबा घराबाहेरच ठेवून इतरांनी त्यांच्याशी संपर्क येऊ नये यासाठी खबरदारी घेण्यात आली.

This caused panic in Dahisar