पाली : लॉकडाऊनमुळे ज्याप्रमाणे मासळीची आवक कमी झाली त्याप्रमाणेच खाऱ्या पाण्यातील म्हणजे समुद्र व खाडीत मिळणाऱ्या लज्जतदार चिंबोऱ्यांची आवक कमी झाली. ऐन चिंबोऱ्या मिळण्याचा हंगाम सरला असून, सध्या या चिंबोऱ्या महागल्या आहेत. एक मध्यम आकाराची चिंबोरी 50 ते 60 रुपयांना मिळत आहे. त्यामुळे खवय्ये निराश झाले आहेत.

ही बातमी वाचली का? रागाचा अंत! राजकीय वैमनस्यातून सख्या भावानेच काढला भावाचा काटा...

खेकडे अभ्यासक व विक्रेते सर्वेश तरे यांनी सांगितले की, समुद्रात व खाडीत मिळणाऱ्या काळ्या पाटीच्या चिंबोऱ्यांचा हंगाम हा हिवाळा आणि उन्हाळा असतो. पावसाळ्यात या चिंबोऱ्या कमी मिळतात. कारण हा त्यांच्या प्रजननाचा मुख्य काळ असतो. 80 ते 100 रुपयाला एक आकाराने मोठा मध्यम नग मिळणारी ही चिंबोरी गाबोळीची 200 ते 300 रुपये नगाने मिळते आणि तिला मागणी जास्त असते. मात्र, हंगाम सरल्याने व आवक कमी झाल्याने किमती 30 ते 40 टक्क्यांनी वाढल्या आहेत; मात्र तरीही मोठा हंगाम गेल्याने विक्रेत्यांचे नुकसान झाले आहे.

ही बातमी वाचली का? 'एपीएमसी'तील कामगारांसाठी एनएमएमटी सेवा सुरू, 'या' मार्गावर धावणार 'बस'

जिल्ह्यात सध्या खाऱ्या पाण्यातील चिंबोऱ्यांची आवक कमी आहे. कोरोनाचे संकट त्यात आलेले लॉकडाऊन यामुळे चिंबोऱ्या कमी प्रमाणात बाजारात उपलब्ध होत आहेत. अशा वेळी आवक कमी असल्याने चिंबोऱ्यांच्या किमती वधारल्या आहेत. सध्या 200 रुपयांना 4 अतिशय मध्यम आकाराच्या चिंबोऱ्या मिळत आहेत. एखाद-दुसरी छोटी चिंबोरी वर दिली जाते. मागील वर्षी या हंगामात 200 रुपयांत तब्बल 8 ते 10 मध्यम आकाराच्या चिंबोऱ्या मिळत होत्या. मात्र, आता खवय्यांना अधिकचे पैसे देऊन चिंबोऱ्या खरेदी कराव्या लागत आहेत. वाढलेल्या किमती आणि गेलेला हंगाम यामुळे खवय्ये निराश आहेत.

ही बातमी वाचली का? KEM रुग्णालयावर ओढवली 'भीषण' परिस्थिती, वाचा KEM हॉस्पिटलच्या शवागारातील भीषण वास्तव...

खाऱ्या पाण्यातील चिंबोऱ्या खूप आवडतात. मात्र, लॉकडाऊनमुळे यंदा त्या खायला मिळाल्या नाहीत. सध्या त्यांच्या किमती वाढल्या आहेत. चिंबोऱ्या आता फार कमी मिळतात. कुठे मिळाली तर 250 ते 300 रुपये गाबोळीची तिला ’इटची चिंबोरी’आणि पेण अलिबाग बाजूला ‘लाखची चिंबोरी’म्हणतात.
- नचिकेत घरत, खवय्ये, मांडवा-अलिबाग