Cockroach in Ghatkopar School marathi news : मुंबईतल्या एका शाळेत विद्यार्थ्यांच्या पोषण आहारात झुरळ आढळून आलं आहे. यावरुन विद्यार्थ्यांसाठीच्या जेवणाचा दर्जा राखला जात नसल्याचा मुद्दा पुन्हा एकदा ऐरणीवर आला आहे. या प्रकरणाची प्रशासनानं गांभीर्यानं दखल घेणं गरजेचं आहे. कारण यामुळं विद्यार्थ्यांच्या जीविताशी खेळ होत असल्याची भावना पालकांमधून व्यक्त होत आहे.
घाटकोपरच्या केव्हीके शाळेत मध्यान्ह भोजनात हे झुरळ आढळून आलं आहे. दुपारच्या शिजवलेल्या खिचडीमध्ये हा किटक आढळून आला आहे. आठवीच्या विद्यार्थिनीला डब्यामध्ये ही खिचडी वाढण्यात आली तेव्हा त्यामध्ये झुरळ दिसून आलं, या विद्यार्थीच्या हे लक्षात आल्यानंतर तिनं शिक्षकांच्या लक्षात ही बाब आणून दिली.
मध्यान्ह भोजन योजना ही भारत सरकारची योजना असून शालेय विद्यार्थ्यांना शाळेत पौष्टिक आहार दिला जातो. विद्यार्थ्यांचं आरोग्य सुदृढ राहावं आणि कुपोषणापासून रक्षण व्हावं हा या योजनेचा उद्देश आहे. तसंच तळागळातल्या गरीब विद्यार्थ्यांनीही शाळेत हजेरी लावावी यासाठी प्रोत्साहनपर हा उपक्रम आहे. या योजनेंतर्गत दुपारच्या वेळेत शाळेत विद्यार्थ्यांना खिचडी हा पोषण आहार दिला जातो. पहिली ते आठवीपर्यंतच्या विद्यार्थ्यांना वर्षातील २०० दिवस दररोज ८ ग्रॅम प्रोटीन आणि ३०० कॅलरी ऊर्जेचा समावेश असेल असं जेवण दिलं जातं.
सन २००१ मध्ये सुप्रीम कोर्टानं राज्य सरकार आणि केंद्र सरकारला ही योजना लागू करण्याचे आदेश दिले होते. तामिळनाडूनं ही योजना सर्वात आधी लागू केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.