मुंबई : कोरोना विषाणूंसाठी थंड वातावरण पोषक आहे. त्यामुळे पावसाळ्यानंतर हिवाळ्यातदेखील कोरोना वेगाने पसरण्याचा धोका असल्याचा इशारा आयआयटी भुवनेश्वर आणि दिल्लीतील एम्सच्या संशोधकांनी दिला आहे. त्यामुळे पावसाळ्यानंतर हिवाळ्यातही काळजी घेणे आवश्यक असल्याचे त्यांनी म्हटले आहे.

पावसाला सुरुवात झाल्यापासून तापमान घसरले असून गारव्याची तीव्रता वाढत आहे. त्यामुळे अलीकडच्या काही दिवसांत कोरोना रुग्णांची संख्या वाढत असून पुढेदेखील कोरोनाग्रस्तांंची संख्या मोठ्या प्रमाणात वाढू शकते, असा निष्कर्ष आयआयटी भुवनेश्वरच्या स्कुल ऑफ अर्थ सोशल अँड क्लायमेट ऑफ सायन्सचे सहाय्यक प्राध्यापक व्ही. मनोज यांच्या नेतृत्वात झालेल्या संशोधनातून काढण्यात आला. 

मोठी बातमी - मुंबईतील चाकरमान्यांसाठी खुशखबर! गणेशोत्सवासाठी गावी जाणाऱ्यांसाठी लवकरच 'ही' सेवा सुरू

देशभरात कोरोना संसर्ग पसरू लागल्यानंतर साधारणत: एप्रिल ते जून या कालावधीतील कोरोना विषाणूच्या प्रसाराचे स्वरूप आणि देशातील 28 राज्यांमध्ये सापडलेले रुग्ण या आधारावर हे संशोधन केले गेले. यासाठी वेगवेगळ्या परिसरातील वेगवेगळ्या रुग्णांचा अभ्यास करण्यात आला. तापमानाच्या चढ उतारानुसार कोरोनाचा प्रभाव या काळात कमी अधिक झाल्याचे या संशोधनात आढळले.

मोठी बातमी - लॉकडाऊन शिथील, कोरोनाचा फैलाव सुसाट; महिनाभरात सोसायट्यांमधील रुग्णसंख्येत 'इतके' टक्के वाढ

तापमानानूसार रुग्णवाढ : 

वातावरणात उष्मा वाढला की कोरोना विषाणूंचा प्रभाव काहीसा कमी होतो. तापमानात 1 अंश सेल्सिअस वाढ झाली की, रुग्णसंख्येत 0.99 टक्के घसरण होते. त्याचप्रमाणे रुग्ण दुपटीचा कालावधीही कमी होतो असे, संशोधनातून समोर आल्याचे संशोधक प्राध्यापक व्ही. मनोज यांनी सांगितले. वातावरणातील सापेक्ष आर्द्रता वाढल्यानंतरही हाच परिणाम जाणवतो, असेही दिसून आल्याचे त्यांनी सांगितले.

( संकलन - सुमित बागुल )

cold weather is very good for the growth of corona virus says researchers