पनवेल : पनवेल पालिका हद्दीत आतापर्यंत सापडलेल्या 234 रुग्णांपैकी बऱ्या झालेल्या रुग्णांची संख्या 100 झाली आहे. मात्र, यात आतापर्यंत सात रुग्णांना कोरोनाशी लढताना प्राण गमावावे लागले आहे. सद्यस्थितीत आज (ता.15) 15 रुग्ण आढळले असून आता रुग्णांची संख्या 127 वर गेली आहे.

धक्कादायक! व्हॅनचे रुग्णवाहिकेत रुपांतर करुन अवैध मद्य वाहतूकीचा प्रयत्न!

पनवेल पालिकेच्या हद्दीत शुक्रवारी 15 रुग्ण सापडले आहेत. धक्कादायक बाब म्हणजे कोरोनाचा हॉटस्पॉट असलेल्या मुंबईमधील धारावी परिसरातील एका व्यक्तीचा पाहुणचार करणाऱ्या कळंबोली वसाहतीमधील नागरिकांच्या घरात संसर्ग झाल्याचे स्पष्ट झाले आहे. नातेवाईकांचा पाहुणचार करणे कळंबोलीमधील यजमानांना चांगलेच महागात पडले आहे. पनवेल तालुका पोलिस ठाण्यात कार्यरत असलेल्या एका महिला कर्मचाऱ्यालाही कोरोनाचा संसर्ग झाल्याची माहिती पालिकेने दिलेल्या प्रसिद्धीपत्रकात दिली आहे.