मुंबई : राष्ट्रवादी काँग्रेस पक्षाचे सर्वेसर्वा शरद पवार यांचा आज ८० वा वाढदिवस आहे. या निमित्ताने राज्यभरात विविध कार्यक्रम आणि उपक्रमाचं आयोजन करण्यात आलं आहे. आजच्या खास दिवशी राष्ट्रवादी काँग्रेस पक्षाचे राष्ट्रीय प्रवक्ते आणि महाविकास आघाडीतील मंत्री नवाब मलिक यांनी मुंबईमध्ये कम्युनिटी फ्रीज संकल्पना सुरू केली आहे. अन्नाची नासाडी होऊ नये आणि गरजू व्यक्तींना अन्न मिळावं असा यामागील उद्देश असल्याचं नवाब मलिक यांनी सांगितलं. 

Powerat80 : डॉक्टरांनी सांगितलं होतं, "तुमच्याकडे केवळ ६ महिने शिल्लक आहेत"; यावर शरद पवार म्हणाले होते...

शरद पवारांच्या ८० व्या वाढदिवशी या खास उपक्रमाचं उदघाटन करण्यात आलं. याबाबत स्वतः नवाब मलिक यांनी माध्यमांना माहिती दिली आणि यामागील उद्देश स्पष्ट केला. याबाबत बोलताना नवाब मलिक म्हणालेत की, शरद पवार यांच्या वाढदिवसानिमित्त मुंबईत कम्युनिटी फ्रीज संकल्पना सुरू केली आहे. सध्या मुंबईत दोन ठिकाणी ही संकल्पना सुरु करण्यात आली आहे.अन्नाची नासाडी होऊ नये म्हणून ही व्यवस्था करण्यात आली आहे. मुंबईत अनेकजणांना दोन वेळचं अन्न मिळत नाही. अशात ज्यांच्याकडे अधिकचं अन्न आहे त्यांनी ते नीट पॅक करून या फ्रिजमध्ये ठेऊन दयावे. ज्यांना या अन्नाची गरज आहे त्यांनी या फ्रिजमधून अन्न घेऊन जावं.   

मुंबई, नवी मुंबई, ठाणे , कल्याण डोंबिवली, मीरा भाईंदर, वसई विरारच्या बातम्या वाचण्यासाठी इथे क्लिक करा  ।  Marathi News From Mumbai

या सोबतच मुंबईत गारवा जाणवायला सुरवात झाली आहे. त्यामुळे नवाब मलिक यांच्या साहाय्याने  मुंबईत 'माणुसकीची भिंत' ही संकल्पना देखील राबवण्यास सुरवात झाली आहे. या माध्यमातून गरजू व्यक्तींना  थंडीच्या दिवसांमध्ये उबदार कपड्यांची सोय होऊ शकते. ज्यांच्याकडे अतिरिक्त कपडे आहेत त्यांनी या माणुसकीच्या भिंतीवर कपडे टांगायचं असतात. ज्यांना या कपड्यांची गरज असते ते हे कपडे घेऊन जाऊ शकतात.  

community fridges installed in mumbi on the birthday of sharad pawar by nawab malik and NCP