महाराष्ट्रातील काँग्रेसचे प्रभारी एच.के.पाटील यांनी आज मुख्यमंत्री उद्धव ठाकरे यांची भेट घेतली व महाविकास आघाडी सरकारच्या किमान समान कार्यक्रमावर चर्चा केली. यावेळी त्यांच्यासोबत राज्यातील काँग्रेसचे नेते आणि महसूल मंत्री बाळासाहेब थोरातही सोबत होते. मुख्यमंत्र्यांसोबत झालेल्या बैठकीनंतर एच.के.पाटील आणि बाळासाहेब थोरात यांनी माध्यमांशी संवाद साधला. 

पत्रकारांनी यावेळी राज्यमंत्र्यांचे अधिकार आणि महामंडळ वाटपाबाबत बाळासाहेब थोरात यांना प्रश्न विचारला. त्यावर त्यांनी, "काही विषय एकत्र सोडवावे लागतील. राज्यमंत्र्यांचे अधिकार, निधी आणि महामंडळ यावर चर्चा झाल्याचे सांगितले." 

"किमान समान कार्यक्रमाचा आढावा घेण्यासाठी बैठक झाली. कोरोनाचे त्यानंतर नैसर्गिक संकटामध्ये मागचं वर्ष गेलं. निधीच्या समस्या आहेत, त्यातून मार्ग काढण्याचा प्रयत्न करतोय. एकत्र सरकारमध्ये काही तक्रारी, मागण्या असतात, त्यातून  मार्ग निघू शकतो. कर्जमाफीचा विषय सोडवला अजून त्यात काही बाबी बाकी आहेत. हा किमान समान कार्यक्रमाचा भाग आहे" असे थोरात म्हणाले.  

शरद पवार यांची प्रकृती ठणठणीत, रुग्णालयातून घरी परतले

लॉकडाउन संदर्भातही थोराना यांना पत्रकारांनी प्रश्न विचारला. लॉकडाउनला काँग्रेसचा पाठिंबा आहे? या प्रश्नावर थोरात म्हणाले की, "लॉकडाउन नको असं आम्हा सर्वांना वाटतं. पण पर्याय काय? याबद्दल सगळ्यांशी चर्चा करुन मुख्यमंत्री निर्णय घेतील. लॉकडाइउन करायचा नाही,पण पुढं जायचं कसं ? याबद्दल चर्चा सुरु आहे" असे थोरात म्हणाले.