मुंबई: वेग मर्यादा न पाळल्यास अपघाताचे प्रमाण वाढले आहे. त्यामुळे येत्या काही काळात राज्यभरात अशा वाहनांवर सुद्धा कारवाईची मोहीम हाती घेतली जाणार आहे. नुकतेच खासगी प्रवासी वाहतूक करणाऱ्या बसेसवर राज्यभरात कारवाईची मोहीम यशस्वी केल्यानंतर, पत्रकारांशी बोलताना परिवहन आयुक्त अविनाश ढाकणे यांनी सांगितले.

खासगी बस वाहतुकदारांकडून वाहतुकीचे आणि मोटार वाहन कायद्यातील नियमांचे उल्लंघन करून सर्रास प्रवासी वाहतूक केली जाते. यासंदर्भात परिवहन विभागाकडे अनेक तक्रारी प्राप्त झाल्या आहे. त्यामुळे 5 फेब्रुवारीला परिवहन आयुक्तांनी 12 तासाची विशेष कारवाई मोहीम राबविण्याचे आदेश दिले होते. त्यावरून 6 फेब्रुवारी सकाळ 6 वाजेपर्यंत 3062 वाहनांची राज्यभरात तपासणी करून, नियम आणि बेकायदा प्रवासी वाहतूक करणाऱ्या 213 वाहनांची जप्ती करण्यात आली होती.

मुंबई विभागातल्या ताज्या बातम्या वाचण्यासाठी येथे क्लिक करा.

मात्र, याशिवाय अनेक प्रकारचे दंड खासगी वाहनचालक, अवजड वाहन, टॅक्सी, रिक्षा यांच्याकडून केल्या जाते. शिवाय राज्य आणि राष्ट्रीय महामार्गांवर लेन कटिंगची सर्वात मोठी समस्या आहे. शिवाय इलेक्ट्रिक बाईकला परवानगी नसतानाही मुंबईच्या रस्त्यांवर नागरिकांकडून वापरल्या जात आहे. त्यामुळे अशा अनेक समस्यांवर अनपेक्षितपणे ठराविक वेळी राज्यभरात कारवाई मोहीम उभारल्या जाणार असल्याचे ढाकणे यांनी सांगितले. त्यापूर्वी राज्य आणि राष्ट्रीय महामार्गांसह शहरांमध्ये बेदरकारपणे वाहन चालवणाऱ्यांवर मात्र, लवकरच आरटीओ विभागाकडून कारवाई मोहीम राबविल्या जाणार असल्याचे ढाकणे यांनी सांगितले आहे.

हेही वाचा- Corona Vaccination: 28 दिवसानंतर उद्यापासून कोरोनाचा दुसरा डोस

------------------------------------

(संपादन- पूजा विचारे)

Control over vehicles Action will taken against break the law