ठाणे : ठाणे प्रादेशिक मनोरुग्णालयातील सात महिला रुग्णांना कोरोनाची लागण झाल्याची बाब समोर आली आहे. या सर्व बाधितांना ठाणे जिल्हा सामान्य रुग्णालयात उपचारार्थ दाखल करण्यात आल्याची माहिती रुग्णालय प्रशासनाने दिली.

मोठी बातमी - मुंबईकरांसाठी तब्बल सात तास मॅनहोलपाशी दिला खडा पहारा, स्वतःच घर मात्र पावसात गेलं वाहून

ठाणे प्रादेशिक मनोरुग्णालयात कोरोनाने यापूर्वीच शिरकाव केला असून एका रुग्णाचा कोरोनाने मृत्यू झाल्यानंतर रुग्णालय प्रशासन खडबडून जागे झाले. त्या वेळी रुग्णालयातील या रुग्णाच्या संपर्कात आलेल्या सुमारे 38 रुग्णांची कोरोना चाचणी करण्यात आली. त्यात सर्व रुग्णांचे अहवाल निगेटिव्ह आल्याने प्रशासनाने सुटकेचा निःश्‍वास सोडला होता.

मोठी बातमी -  तब्बल एक हजार कोटींचा अवैध माल; नाव्हा शेव्हाच्या इतिहासातील सर्वात मोठी कारवाई, कसं डोकं वापरलेलं वाचा

मात्र काही दिवसांपासून मनोरुग्णालयातील काही महिला रुग्णांना हलका ताप येत असल्याने खबरदारी म्हणून त्यांची ऍन्टिजेन चाचणी करण्यात आली. या चाचणीचा अहवाल प्राप्त झाला असून सात महिला रुग्णांना कोरोनाची लागण झाल्याचे समोर आले. 

(संपादन : वैभव गाटे)

corona infestation at thane mental hospital once again infecting female patients