मुंबई: मुंबईत दिवसेंदिवस कोरोना रुग्णांची संख्या वाढत आहे. कोरोनाची भीती मनात बसल्यामुळे रुग्णांना प्रचंड मानसिक त्रास होत आहे. यातच कोरोनामुळे होणाऱ्या मानसिक त्रासाला कंटाळून रूग्णालयातच आत्महत्येच्या प्रयत्नांच्या घटनाही समोर येत आहे. असाच एक प्रयत्न पालिकेच्या भाभा रुग्णालयात एका रुग्णाकडून करण्यात आला आहे. 

हेही वाचा: राज्य सरकारच्या बैठकीनंतरच अधिकृत निर्णय जाहीर करू; दहीहंडी उत्सव समन्वय समितीची भूमिका,  

शनिवारी संध्याकाळी एका 54 वर्षीय पुरुषाने रूग्णालयाच्या वाॅशरूममध्ये जाऊन आत्महत्या करण्याचा प्रयत्न केला. हा रूग्ण 18 तारखेपासून कोरोनासाठी उपचार घेत आहे. मात्र, काल त्याने आत्महत्या करण्याचा प्रयत्न केल्यामुळे रूग्णालयात चिंतेचे वातावरण पसरले होते. 

डिप्रेशनमधून आत्महत्येचा प्रयत्न: 

हा रूग्ण मानसिक तणावाखाली होता. त्याच डिप्रेशनमधून त्याने आत्महत्या करण्याचा प्रयत्न केला. रूग्णालयाच्या वाॅशरूममध्ये जाऊन त्याने गळ्यावर वार करण्याचा प्रयत्न केला. वाॅशरूममधीलच एका हत्याराचा त्याने वापर केला असून आता त्या रूग्णाची प्रकृती स्थिर आहे. 

हेही वाचा: बापरे! मुंबईतील तब्बल 'इतक्या' पोलिस वसाहतींमध्ये शिरला कोरोना; रेल्वे पोलिस वसाहतही विळख्यात..

"परवा संध्याकाळी ही घटना घडली आहे. रूग्णाने वाॅशरूममध्ये जाऊन गळ्यावर वार करण्याचा प्रयत्न केला. वाॅशरूममधीलच एका हत्याराने तो वार करण्याचा प्रयत्न करत होता. मात्र, ही परिस्थिती तात्काळ आटोक्यात आली. आता या रूग्णाची प्रकृती ठिक आहे. डिप्रेशनमधून आत्महत्येचा प्रयत्न या रूग्णाने केला आहे", असे भाभा रुग्णालयाचे वैद्यकीय प्रमुख डाॅ. प्रदीप जाधव यांनी सांगितले आहे. 

corona patient in mumbai tried to end his life