मुंबई: मुंबईत कोरोना बाधित रुग्णांचा आकडा हजारच्या खाली येण्यास तयार नाहीये. आज मुंबईच्या कोरोना रुग्णांनी तब्बल ३५ हजारांचा आकडा पार केला आहे. आज शहरात 1438 नवीन रुग्ण आढळले. त्यामुळे एकूण रुग्णसंख्या 35,273 झाली आहे. तर आज  38 जणांचा मृत्यू झाला असून  मृतांची एकूण संख्या 1135 झाली  आहे.                          

मुंबईत रुग्ण मोठ्या संख्येने सापडत असले तरी बरे होणाऱ्यांचे प्रमाणही बऱ्यापैकी आहे. आज 763 रुग्ण बरे झाले असून बरे होऊन सुखरूप घरी गेलेल्यांची संख्या 9917 झाली आहे.                    

हेही वाचा: आता मास्क वापरण्याची गरज नाही, कारण बाजारात आलं आहे 'असं' भन्नाट काही..                                      

मुंबईत आज 38 रुग्णांचा मृत्यू झाला असून मृतांचा आकडा 1135 वर पोचला आहे. आज झालेल्या 38 मृत्यूंपैकी 24 जणांना दीर्घकालीन आजार होते. आजच्या एकूण मृत्यू झालेल्या व्यक्तींमध्ये 19 पुरुष तर 13 महिलांचा समावेश होता. एकूण मृत झालेल्या रुग्णांपैकी तिघांचे वय 40 च्या खाली होते. तर 12 रुग्णांचे वय 60 वर्षा वर होते. तर 17 रुग्ण 40 ते 60 वर्षा दरम्यान होते.        

हेही वाचा: अरे देवा! मुंबई पूर्वपदावर येण्यासाठी लागणार 'इतक्या' महिन्यांचा कालावधी                

संशयित रुग्णांमध्ये ही वाढ झाली असून आज एकूण 839 नवे संशयित रुग्ण सापडले असून  आतापर्यंत 28,554 संशयित रुग्णांना रुग्णालयात दाखल करण्यात आले. कोरोना बाधितांची संख्या वाढत असली तरी या आजारातून बरे होणाऱ्या रुग्णांची संख्या ही वाढत आहे. आज 763 रुग्ण बरे झाले असून आज पर्यंत 9817 रुग्णांना घरी सोडण्यात आले आहे.

corona patients in mumbai crosses 35 thousand mark