माथेरान : रिलायन्स (Reliance) फाउंडेशनच्या वतीने गुरुवार पासून चार दिवस कोरोना प्रतिबंधक लसीकरण (Vaccination) मोहीम हाती घेण्यात आली आहे. सर एच. एन. रिलायन्स फाउंडेशन (H.N.Reliance) आणि रीचर्स सेंटरचे मुख्य कार्यकारी अधिकारी डॉ. तरंग ज्ञानचंदानी (Dr.Tarang Gyanchandani) यांच्या मार्गदर्शनाखाली हा कार्यक्रम होणार आहे.

लसीकरणावेळी आवश्यक कागदपत्रे डोंगर दर्या मध्ये राहणार्या आदीवासी बांधवांकडे नसल्याने अशा लोकांना लसीकरणापासुन वंचित राहावे लागत आहे.अशा लोकांसाठी शासनाने नियमांमध्ये शिथीलता करून पर्याय उपलब्ध करून देणे गरजेचे आहे.अशा प्रकारची देखील मागणी आदीवासी बांधव करत आहेत.रिलायन्स फाउंडेशनच्यावतीने भरविण्यात आलेली लसीकरण मोहीम यशस्वी करण्यासाठी तुकाराम बावदाने, उमेश सावंत आणि माथेरान प्रेस क्लबने विशेष परिश्रम घेतले होते.

या कार्यक्रमाच्या अध्यक्षस्थानी नगराध्यक्षा प्रेरणा सावंत होत्या तर प्रमुख पाहुणे म्हणून उपनगराध्यक्ष आकाश चौधरी मुख्याधिकारी प्रशांत जाधव,विविध राजकीय पक्षांचे पदाधिकारी नगरसेवक नगरसेविका ,आणि सर एच.एन.रिलायन्स फॉऊंडेशन व रीचर्स सेंटरचे कर्मचारीवर्ग उपस्थित होता.