मुंबई : पालिकेच्या केईएम आणि नायर रुग्णालयात आतापर्यंत 20 जणांना कोव्हिशील्ड लसीचा दुसरा डोस देण्यात आला आहे. केईएममध्ये 99 पैकी 14 स्वयंसेवकांना आणि नायरमध्येही 6 स्वयंसेवकांना कोव्हिशील्डचा दुसरा डोस देण्यात आला आहे. अशा एकूण 20 जणांना दुसरा डोस दिला गेला आहे. 

केईएममध्ये सोमवारपासून स्वयंसेवकांना दुसरा डोस द्यायला सुरुवात करण्यात आली आहे. तर, नायरमध्ये मंगळवारपासून दुसरा डोस द्यायला सुरुवात झाली असुन आतापर्यंत 6 जणांना यशस्वी डोस देण्यात आला आहे. 

महत्त्वाची बातमी : करिश्मा प्रकाशच्या घरात सापडलेत ड्रग्स, NCB कडून करिश्माला पुन्हा समन्स

आयसीएमआरकडून आलेल्या सूचनेनुसार नायर रूग्णालयात एकूण 125 जणांना कोव्हिशील्डचा पहिला डोस देण्यात येणार होता. त्यामुळे, आणखी अतिरिक्त 25 जणांना पहिला डोस दिला जाणार आहे. त्यासोबतच कालावधी पूर्ण झालेल्या स्वयंसेवकांना मंगळवारपासून डोस दिला गेल्याची माहिती नायर रुग्णालयाचे अधिष्ठाता डॉ. रमेश भारमल यांनी दिली आहे. 

28 सप्टेंबरला नायरमध्ये तीन स्वयंसेवकांना कोव्हिशिल्डची लस देण्यात आली होती. स्वयंसेवकांचा 4 महिन्यांचा पाठपुरावा केला जाईल. या अभ्यासाचा संपूर्ण कालावधी सप्टेंबर 2020 ते फेब्रुवारी 2021 पर्यंत असणार आहे.

महत्त्वाची बातमी : मुंबईतून कोरोनाची साथ गेली ? रुग्णदुपटीचा कालावधी 139 दिवसांवर

केईएममध्ये 14 जणांना डोस - 

केईएममधील स्वयंसेवकांना २६ ऑक्टोबरपासून दुसरा डोस देण्यास सुरुवात करण्यात आली आहे. त्यानुसार, आतापर्यंत 14 जणांना कोव्हिशील्डचा दुसरा डोस देण्यात आला आहे अशी माहिती केईएम रुग्णालयाचे अधिष्ठाता डॉ. हेमंत देशमुख यांनी दिली आहे.

corona vaccine update second dose given to 20 healthy people in KEM and Nair hospital