मुंबई : कोरोनाच्या प्रादुर्भावाने अद्याप शिखर गाठले नसल्याचे तज्ज्ञांचे म्हणणे आहे. परंतु, मागील अवघ्या आठ दिवसांत 1000 हून अधिक नव्या भागांत रुग्ण आढळले आहेत.

ही बातमी वाचली का? यंदा परीक्षा होणार की नाही? आज लागणार परीक्षांचा निकाल... 

मुंबई महापालिकेने आतापर्यंत सुमारे 6000 हाय रिस्क व्यक्तींना क्वारंटाईन केले असून, एक लाख नागरिक घरातच एकांतात आहेत. आता नव्या वस्त्यांमध्येही कोरोनाचे रुग्ण सापडू लागले आहेत. 
कोव्हिड-19 विषाणू संसर्गाचे रुग्ण आढळलेल्या ठिकाणांची संख्या 2 मे रोजी 1576 होती; मात्र 8 मे रोजी दुपारपर्यंत हा आकडा 2646 पर्यंत पोहोचल्याची माहिती महापालिकेने दिली.

ही बातमी वाचली का? लॉकडाऊन इफेक्ट, मोठ्या थांब्याने मोटरमनची झोप उडाली!

झोपडपट्ट्यांमध्येही कोरोनाच्या रुग्णांत वाढ होत आहे. 2 मेपर्यंत 903 झोपडपट्ट्या आणि चाळींमध्ये कोरोनाचे रुग्ण सापडले होते. 8 मे रोजी ही संख्या 1497 झाली आहे. साधारणत: तीन रुग्ण सापडल्यावर एखादी वस्ती,चा ळ किंवा इमारत प्रतिबंधित क्षेत्र म्हणून जाहीर केली जाते. आता मुंबईत एक रुग्ण आढळल्यानंतर संबंधित ठिकाण सील केले जात आहे.

ही बातमी वाचली का? सरकारच्या वेळकाढूपणामुळे ही नामुष्की? सर्वोच्च न्यायालयात कैद्यांची याचिका 

आलेख चढताच...
दिवस               प्रतिबंधित वस्त्या          एकूण रुग्ण 

• 29 एप्रिल            1391                        9532
• 30 एप्रिल            1459                       10,030
• 2 मे                    1576                      10,905 
• 8 मे                    2646                      13,287