मुंबई  : शहरी नक्षलवाद प्रकरणातील आरोपी कवी वरवरा राव (81) यांचा वैद्यकीय अहवाल दाखल करण्याचे निर्देश मुंबई उच्च न्यायालयाने नानावटी रुग्णालय व्यवस्थापनला आज दिले. तसेच, राव यांना भेटण्याची परवानगीही आज एनआयए आणि राज्य सरकारकडून त्यांच्या कुटुंबीयांना देण्यात आली. व्हिडीओकाॅल किंवा काही अंतरावरून भेटण्यास हरकत नाही, असे सरकारच्यावतीने सांगण्यात आले. 

 कोरोनामुळे ८१ वर्षीय बिल्डरचा झाला मृत्यू, शफिकने चालवली शैतानी खोपडी आणि आखला एक प्लॅन..

न्यायमूर्ती आर. डी. धनुका यांच्या खंडपीठापुढे व्हिडीओ कौन्फरन्सिंगद्वारे आज सुनावणी झाली. येत्या तीन दिवसांत अहवाल दाखल करावा. त्यानंतर जामीनावर सुनावणी होईल, असे न्यायालयाने स्पष्ट केले. दरम्यान, सामाजिक कार्यकर्ते वर्नन गोन्साल्विज यांची कोरोना चाचणी निगेटिव्ह आली आहे आणि प्रा. आनंद तेलतुंबडे यांचा अहवाल शुक्रवारी येणार आहे, अशी माहिती एनआयएच्या वतीने देण्यात आली. 

मदर इंडिया' काळाच्या पडद्याआड; ज्येष्ठ अभिनेत्री कुमकुम यांचे निधन

सामाजिक कार्यकर्ते सुधा भारद्वाज यांनीदेखील जामीन मिळण्यासाठी न्यायालयात अर्ज केला आहे. आज एनआयएने याला विरोध केला आहे. कारागृहांत भारतीय वैद्यकिय संशोधन परिषदेने आखून दिलेल्या नियमांनूसार सर्व सुरक्षा उपाय आहेत, असे एनआयएकडून सांगण्यात आले आहे. याबाबत प्रतिज्ञापत्र दाखल करण्याचे निर्देश न्यायालयाने दिले. कोरोना साथीच्या पार्श्वभूमीवर आरोपींनी जामीनासाठी अर्ज केला आहे.

Court orders submission of medical report of Varvara Rao

( संपादन ः रोशन मोरे)