मुंबई, ता. 8 : चार वर्षाच्या मुलीला माचीसचा धाक दाखवून तिच्यावर लैंगिक अत्याचार करणाऱ्या दोन नराधम आरोपींना विशेष पॉक्सो न्यायालयाने दोषी ठरवून प्रत्येकी वीस वर्षांची सक्तमजुरीची शिक्षा  ठोठावली आहे. आज मंगळवारी न्यायालयाने आपलं निकाल दिलाय. चार वर्षांची मुलगी तिच्याबरोबर झालेल्या अत्याचाराबाबत खोटे बोलू शकत नाही, असे निरीक्षण विशेष न्या.  संजश्री घरत यांनी नोंदविले आहे.

महत्त्वाची बातमी : सुशांत सिंह राजपूत मृत्यू प्रकरणात CBI चं अद्यापही मौन, CBI तपासाचं झालं तरी काय ?  मुंबई उच्च न्यायालयात याचिका

दोन वर्षांपूर्वी परळमधील आर ए के मार्ग पोलिस ठाण्यात या गुन्ह्याची नोंद झाली होती. पिडीत मुलगी आरोपींना दादा म्हणायची. मात्र तिचा गैरफायदा आरोपींनी घेतला. यामध्ये तीन आरोपी असून एक अल्पवयीन तर दोन 18 ते 20 या वयोगटातील आहेत. लहान मुलीच्या निष्पापपणाचा आणि विश्वासाचा गैरफायदा आरोपींनी घेतला त्यामुळे त्यांना दया दाखविणे योग्य नाही, असे निकालात म्हटले आहे.

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai

अल्पवयीन आरोपीवर बाल न्यायालयात खटला चालविण्यात येणार आहे. पॉक्सो कायद्याअंतर्गत अल्पवयीन मुलांना संरक्षण देण्यासाठी कठोर तरतुदी करण्यात आल्या आहेत. त्यामुळे पिडीत बालिकेने दिलेली जबानी न्यायालयाने ग्राह्य धरली आणि आरोपींना दोषी घोषित केले. मुलीच्या आईने याबाबत पोलिस ठाण्यात तक्रार दाखल केली होती. आरोपी महाविद्यालयात शिकत असून त्यांची ऑनलाईन परीक्षा सुरू होणार आहे. त्यामुळे लवकरच उच्च न्यायालयात अपील दाखल करु असे आरोपींच्या वकिलांनी सांगितले.

court sentenced twenty years of imprisonment to two people under pocso