मुंबई - मुंबईच्या वर्सोवा येथील समुद्र किनारी एका गोणीत महिलेचा मृतदेह आढळल्याने खळबळ उडाली आहे. साधारण: २५ ते ३० वर्षीय अनोळखी महिलेचा मृतदेह बांधलेल्या अवस्थेत आढळून आला आहे. या घटनेमुळे वर्सोवाच्या चाय कॉफी चौपाटीच्या समुद्र किनारी परिसरात अनेकांनी गर्दी केली होती. गोणीतील महिलेच्या गळ्याला शरीराचे इतर भाग बांधण्यात आले होते. या धक्कादायक घटनेमुळे परिसरारत घबराहट निर्माण झाली आहे.

घटना अशी की, मुंबईच्या वर्सोवा येथील समुद्र किनारी एका गोणीत महिलेचा मृतदेह आढळला आहे. २५ ते ३० वर्षीय अनोळखी महिलेचा मृतदेह बांधलेल्या अवस्थेत मिळाला आहे. गोणीतील महिलेच्या गळ्याला शरीराचे इतर भाग बांधण्यात आले आहेत. मृतदेहाची ओळख पटली नसल्याने पोलिसांनी अधिकचा तपास सुरु केला होता. आता त्या मुलीची ओळख पटली असून अधिकचा तपास सुरु आहे. महिलेची हत्या करून मृतदेहाची विल्हेवाट लावण्याच्या हेतून तो समुद्र किनारी आणला असल्याचा अंदाज पोलिसांना आहे.

दरम्यान, या घटनेची माहिती मिळताच पोलिसांनी घटनास्थळी धाव घेतली आहे. पोलिसांनी महिलेचा मृतदेह शवविच्छेदनासाठी कुपर रुग्णालयात पाठवला आहे. पोलिसांनी याप्रकरणी अपमृत्यूची नोंद करून तपासाला सुरूवात केली आहे. मुलीची ओळख पटली असून पोलिसांनी अधिकच्या तपासाला जोर धरला आहे. या घटनेमुळे मात्र या चौपाटी परिसरात नागरिकांत भितीचे वातावरण दिसून आले आहे.