डोंबिवली : कल्याण (Kalyan) पूर्वेतील तिसगांव नाका येथे तीन पत्ता जुगार खेळला जात असल्याची माहिती कल्याण गुन्हे अन्वेषण विभागास मिळाली होती. गुरुवारी या अड्ड्यावर धडक कारवाई करत गुन्हे शाखेने 22 जणांसह 1 लाख 23 हजाराचा मुद्देमाल जप्त केला आहे. याप्रकरणी कोळसेवाडी पोलीस(Police) ठाण्यात गुन्हा दाखल करण्यात आला आहे.

कोळसेवाडी परिसरात जरीमरी गेट समोर राजा शॉपिंग सेंटर या ठिकाणी तीन पत्ता जुगार खेळला जात असल्याची माहिती वरिष्ठ पोलीस निरीक्षक मनोहर पाटील यांना गुप्त बातमीदारा मार्फत मिळाली. मिळालेल्या माहितीनुसार पोलीस निरीक्षक विलास पाटील, सहाय्यक पोलीस निरीक्षक भूषण दायमा, पोलीस उपनिरीक्षक मोहन कळमकर, सहाय्यक पोलीस उपनिरीक्षक विलास मालरोटे, जोतिराम सांनूखे, पोलिस हवालदार राजेंद्र घोलप, निवृत्ती थेरे, प्रकाश पाटील, पोलिस नाईक सुरेश निकूळे, पोलिस शिपाई अजितसिंग राजपूत, विनोद चन्ने, राहुल ईशी यांच्या पथकाने राजा शॉपिंग सेंटर येथे अवैधरित्या सुरू असलेल्या जुगाराच्या अड्ड्यावर छापा टाकला. त्यावेळी तेथे 22 व्यक्ती हे जुगाराचा अड्डा खोलून तीन पत्ती जुगार खेळत व खेळवीत होते.

जुगाराच्या अड्ड्यावरून 78 लाख 455 रुपये रोख रक्कम, ताशचे पत्ते व इतर सामान असा एकूण 1 लाख 23 हजार रुपये किंमतीचा मुद्देमाल जप्त करण्यात आला.

सहाय्यक पोलीस उपनिरीक्षक विलास दायमा यांच्या फिर्यादीवरून 22 जणांविरोधात कोळसेवाडी पोलीस ठाण्यात गुन्हा दाखल करण्यात आला आहे. याचा अधिक तपास कोळसेवाडी पोलीस करीत आहेत.