मुंबई - अभिनेत्री कंगना रनौतच्या मुंबईतील घरावर मुंबई महानगरपालिकेने केलेल्या पाडकामाप्रकरणी मुंबई उच्च न्यायालयात आज सुनावणी झाली. ही सुनावणी काल होणार होती. परंतु मुंबईत झालेल्या अतिवृष्टीमुळे ती पुढे ढकलण्यात आली होती.
मुंबई उच्च न्यायालयात अभिनेत्री कंगना रनौतने बीएमसी विरोधात दावा ठोकला आहे. न्यायालयाने कंगनाच्या घराच्या बांधकाम पाडल्याप्रकरणावर उद्यापासून दररोज सुनावणी घेणार असल्याचे आज स्पष्ट केले आहे. सध्या पावसाळ्याचे दिवस असल्यामुळे जास्त वेळ बांधकाम जैसे थे ठेवता येणार नसल्याचे न्यायालयाने सांगितले आहे. याप्रकरणी बीएमसीला विचारणा केल्यावर, बीएमसीने न्यायालायाला उत्तरासाठी वेळ मागितला होता. परंतु तुम्ही तर मोठ्या तत्परतेने कारवाई करण्यासाठी ओळखले जातात तुम्हाला वेळ कशासाठी हवा? असा टोला बीएमसीला न्यायालयाने लगावला.
या याचिकेत उखाड दिया असे म्हटल्याने खासदार संजय राऊत यांना देखील पक्ष कऱण्यात आले होते. त्यांनी न्यायालयाला आपली बाजू मांडण्यासाठी 8 दिवसांचा अवधी मागितला आहे. न्यायालायाने त्यांना 8 दिवसांचा अवधी दिला आहे. संजय राऊत यांना 28 सप्टेंबरला आपले म्हणणे न्यायालयासमोर मांडावे लागणार आहे.
----------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.