मुंबई : बेस्ट उपक्रमातील अधिकारी एकनाथ अवतार यांचा मृतदेह घरातील बाथरूममध्ये दोन-तीन दिवस पडून होता. त्यांच्या घरातून दुर्गंधी येऊ लागल्यानंतर शेजाऱ्यांनी पोलिसांशी संपर्क साधला. त्यांनतर हा प्रकार उघड झाला. दरम्यान, याच इमारतीत कोरोनाचा एक रुग्ण आढळला आहे. 

Lockdown : अंध व्यक्तीचे गृहस्वप्न पूर्ण होणार? न्यायालयाचा दिलासा

घाटकोपर येथील बेस्ट उपक्रमाच्या अधिकारी वसाहतीत 50 वर्षीय एकनाथ अवतार एकटेच राहत होते. दोन-तीन दिवसांपासून ते घराबाहेर दिसले नाहीत. रविवारी त्यांच्या घरातून दुर्गधी येऊ लागल्यामुळे शेजाऱ्यांनी पोलिसांना बोलावले. त्यांच्या घराचे दार बंद असल्याने अग्निशमन दलास बोलावण्यात आले . या इमारतीत कोरोनाचा रुग्ण आढळल्यामुळे अग्निशमन दलाच्या जवानांनी महापालिकेच्या एन प्रभागातील कोरोना नियंत्रण पथकाला पाचारण केले. 
अग्निशमन दलाच्या जवानांनी अवतार यांच्या घराचा दरवाजा उघडल्यावर कोरोना नियंत्रण पथक आवश्यक काळजी घेऊन आत गेले. त्यावेळी घरातील एका बाथरूममध्ये अवतार मृतावस्थेत पडल्याचे आढळले. काळजी घेऊन त्यांचा मृतदेह बाहेर काढण्यात आला. पंतनगर पोलिसांनी अपमृत्यूची नोंद केली आहे. 

VIDEO: उल्हासनदी एवढी स्वच्छ कधी पाहिली होती का? मासेमारही झाले खुश

इमारतीचे निर्जंतुकीकरण
खबरदारीचा उपाय म्हणून या इमारतीचे निर्जंतुकीकरण करण्यात आले. मृताची कोरोना चाचणी करता येत नाही. त्यामुळे एकनाथ अवतार यांना लागण झाली होती का, हे सांगणे शक्य नाही. आवश्यकता असल्यास शवविच्छेदन करण्यात येईल, असे महापालिकेच्या एका अधिकाऱ्याने सांगितले.