Chief Justice Mumbai HC:मुंबई उच्च न्यायालयाच्या मुख्य न्यायाधीशपदी जेष्ठ न्यायामूर्ती देवेंद्र कुमार उपाध्याय यांची निवड करण्यात आली होती. शनिवारी (दि.२९ जुलै) राजभवनात पार पडलेल्या शपथविधी सोहळ्यात त्यांनी मुंबईच्या उच्च न्यायालयाच्या मुख्य न्यायाधीश पदाची शपथ घेतली.

या शपथविधीला राज्यपाल रमेश बैस , मुख्यमंत्री एकनाथ शिंदे आणि उपमुख्यमंत्री देवेंद्र फडणवीस उपस्थित होते.

देवेंद्र कुमार उपाध्याय हे याआधी अलाहबाद उच्च न्यायालयात न्यायमूर्ती होते. सर्वोच्च न्यायालयाच्या कॉलेजियम मंडळाने देवेंद्र उपाध्याय यांची शिफारस केंद्र सरकारला केली होती.

देवेंद्र उपाध्याय यांनी याआधी अलाहाबाद उच्च न्यायालयात न्यायदानाचं काम केलंय. २०११मध्ये त्यांची नियुक्ती उच्च न्यायालयात न्यायमूर्ती पदावर झाली होती. मुंबई उच्च न्यायालयात मुख्य न्यायमूर्ती रमेश धनुका यांच्या निवृत्तीनंतर या पदावर प्रभारी न्या. नितीन जामदार यांना नियुक्त करण्यात आले होते. उच्च न्यायालयात सध्या ६६ न्यायाधीश असून मंजूर क्षमता ९४ आहे.