मुंबई: कोरोना व्हायरसच्या वाढत्या फैलावामुळे संपूर्ण देशामध्ये भीतीचे वातावरण आहे. कोरोनावर मात करण्यासाठी देशातील आरोग्य यंत्रणा युद्धपातळीवर प्रयत्न करत असून या आजारातून सुखरूप बाहेर येणाऱ्यांची संख्याही मोठी आहे.

भारतामध्ये कोरोना रुग्णांचा आकडा एक लाखाच्यावर गेला असून अनेक गर्भवती माता आणि लहान मुलांना कोरोनाची लागण झाली असून त्यांच्यावर सरकारी आणि खाजगी हॉस्पिटमध्ये डॉक्टर, नर्सेस, पॅरा मेडिकल स्टाफद्वारे यशस्वी उपचार सुरु आहेत.

हेही वाचा: राज्यपालांना पत्र पाठवून राज ठाकरेंनी केली 'ही' खास मागणी....

भारतामध्ये अनेक लहान मुले आपला वाढदिवस साजरा न करता त्या पैशामध्ये गरजुंना मदत करत असल्याचे दिसून येत आहे, कोरोनाच्या या संकटात वाढदिवस साजरा न करता अनेक नागरिक सामाजिक बांधिलकी जपत आहेत, परंतु वाढदिवस साजरा करून अनोख्या ढंगात सामाजिक बांधीलकी जपल्याची एक घटना आज तेरणा स्पेशालिटी हॉस्पिटल आणि रिसर्च सेन्टरमध्ये दिसून आले. 

तेरणा स्पेशालिटी हॉस्पिटल आणि रिसर्च सेन्टरमध्ये उपचार सुरु असलेल्या एक वर्षीय कोरोनाग्रस्त मुलीचा वाढदिवस येथील डॉक्टरांच्या मदतीने वैद्यकीय काळजी घेऊन साजरा करण्यात आला. केक कापतानाही तिच्या आईवडिलांनी आणि डॉक्टरांनी पीपीई किट्स घातले होते. तेरणा स्पेशालिटी हॉस्पिटल आणि रिसर्च सेन्टर येथे एक कोरोनाग्रस्त दांपत्य दाखल झाले असून त्यांच्या एक वर्षाच्या मुलीला कोरोनाचा प्रादुर्भाव झाला असून तिच्या वडिलांनाही कोरोना संसर्ग झाला होता. या मुलीची आई कोरोनाची संशयित रुग्ण असून तिला सुद्धा विलगीकरण कक्षामध्ये ऍडमिट केले आहे.

हेही वाचा: कुणी घर देतं का घर? मुंबईत भाडेकरु नवीन घराच्या शोधात; वाचा काय आहे कारण  

23 मे या दिवशी मुलीचा पहिला वाढदिवस होता मात्र, तिचे आई वडील तिच्याजवळ असूनही तिचा वाढदिवस साजरा करू शकत नव्हते. दोन महिन्यापूर्वी त्यांनी आपल्या मुलीचा पहिला वाढदिवस मोठ्या उत्साहात करण्याचे ठरवले होते, परंतु, कोरोना संकटात हे कुटुंब अडकल्यामुळे त्यांची ही इच्छा अपुरी राहणार काय अशी चिंता त्याना सतावत होती.

 तेरणा स्पेशालिटी हॉस्पिटल व रिसर्च सेन्टरच्या डॉक्टरांनी या कुटुंबाची ही इच्छा पूर्ण केली. तेरणा स्पेशालिटी हॉस्पिटलच्या डॉक्टरांनी केक आणून या मुलीचा वाढदिवस साजरा केला. कोरोनाच्या संकटात आपल्या मुलीचा पहिला वाढदिवस साजरा केल्यामुळे या दापंत्याचा आनंद गगनात मावेनासा होता.