मुंबई : आपल्या विविध मागण्यांसाठी रंगकर्मी ( drama artist) येत्या सोमवारी (ता. 9) ऑगस्ट क्रांतिदिनी (kranti divas) आंदोलन (strike) करणार आहेत. हिंदमाता चित्रपटगृहासमोर असलेल्या चित्रपटमहर्षी दादासाहेबफाळके (dadasaheb phalke) यांच्या पुतळ्याजवळ सकाळी दहा वाजता सगळे रंगकर्मी एकत्र जमणार आहेत. या वेळी सर्वच कलाकार "जागर रंगकर्मीचा " हा कार्यक्रम सादर करुन आपल्या मागण्यांमागील (artist demands) आक्रोश अनोख्या पद्धतीने सरकारच्या निदर्शनास आणून देणार आहेत. (drama artist-kranti divas-dadasaheb phalke-artist demands-nss91)

देशात कोरोना महामारी सुरू होऊन गेल्या सव्वा-दीड वर्षापासून हातावर पोट घेऊन जगणारा रंगकर्मी देशोधडीला लागला आहे. असंख्य कलाकार कामाअभावी मेटाकुटीला आले आहेत. त्यामुळे आपल्या विविध मागण्यांसाठी सगळे रंगकर्मी आता एकवटले आहेत. आता ते आंदोलन करणार आहेत. या आंदोलनात निर्माते, नाट्य व्यवस्थापक, बुंकिग क्लार्क, बेंजो पार्टी, शाहीर, तमासगीर, हिंदी व मराठी वाद्यवृंदातील सगळे वादक व गायक, रंगमंच कामगार आदी मंडळी सहभागी होणार आहेत. अभिनेते व दिग्दर्शक विजय पाटकर म्हणाले, की हे आंदोलन राजकारण आणि संस्थाविरहित आहे. कोणी अध्यक्ष नाही. कोणी सेक्रेटरी नाही. कलाकारांनी कलाकारांसाठी सुरु केलेले हे आंदोलन आहे.