मुंबई: कोरोनामुळे संपूर्ण देश लॉकडाऊनमध्ये आहे. त्यामुळे उद्योगधंदे, व्यवसाय आणि कारखाने बंद आहेत. त्यामुळे देशात प्रदूषणाचं प्रमाण भरपूर प्रमाणात कमी झालं आहे. गंगा नदीचं पाणी कित्येक वर्षांनी पिण्यायोग्य झालं आहे. तर तब्बल ३० वर्षानंतर पंजाब राजच्या काही शहरांमधून बर्फाच्छादित हिमालयाचं दर्शन होत आहे. मात्र आता प्रदूषण कमी झाल्याचा फटकाही बसण्याची शक्यता आहे.
देशात कारखाने बंद असल्यामुळे आणि रस्त्यांवरची वाहतूक पूर्णपणे बंद असल्यामुळे आधीच्या तुलनेत प्रदूषणात तब्बल ६० टक्के घट झाली आहे. त्यामुळे आकाश निरभ्र आणि निळं दिसू लागलं आहे. त्याचबरोबर ध्वनी आणि जल प्रदूषणही कमी झालंय. हवेत प्रदूषणयुक्त कण नसल्यामुळे हवाही स्वच्छ आहे. मात्र याचे काही साईड इफेक्ट्स होण्याचीही शक्यता आहे.
देशात वायू प्रदूषणात घट झाल्यामुळे हवेत असणारे धुळीचे कण अधिक प्रमाणात कमी झाले आहेत. त्यामुळे अधिकाधिक सूर्यप्रकाश पृथ्वीवर पडत आहे. त्यामुळे उकाडा वाढण्याची शक्यता आहे. सध्या उन्हाळ्याचे दिवस असल्यामुळे तापमान प्रचंड आहे मात्र प्रदूषण कमी झाल्यामुळे ते अधिक प्रमाणात जाणवत आहे.
प्रदूषण कमी झाल्यामुळे पृथीवर अधिकाधिक सूर्यप्रकाश पोहोचून त्यामुळे हवामानात फार मोठे बदल होण्याची शक्यता आहे. प्रदूषण कमी झाल्यामुळे हवामान सतत बदलत राहू शकत असं वैज्ञानिकांनी सांगितलं आहे.
तापमानात वाढ झाल्यामुळे बाष्पीभवनाचं प्रमाण वाढून त्याचा परिणाम मान्सूनवरही होवू शकतो. यावर्षी सरासरीपेक्षा अधिक प्रमाणात पाऊस पडण्याची शक्यता आहे असंही वैज्ञानिकांनी म्हंटल आहे. विशेष म्हणजे उत्तर भारतातही यावर्षी भरपूर प्रमाणात पाऊस येईल अशी चिन्हं दिसतायेत असं वैज्ञानिकांनी म्हंटलं आहे.
मात्र असं असलं तरीही प्रदूषण कमी झाल्यामुळे आपण सर्वच ग्लोबल वॉर्मिंगच्या संकटापासून आपला बचाव करण्यात येणाऱ्या काळात यशस्वी ठरू असं मत वैज्ञानिकांनी व्यक्त केलं आहे.
drop in pollution may affects weather conditions in country read full story
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.