मुंबई : क्रूझ ड्रग्ज प्रकरणात एनसीबीनं एका ड्रग्ज सप्लायरला अटक केली आहे. श्रेयस नायर असं या सप्लायरचं नाव असून त्याचा आर्यन खानला ड्रग पुरवण्याशी संबंध असल्याचा दावा एनसीबीनं केला आहे. श्रेयस नायर हा गोरेगाव येथील रहिवासी असून तो हायप्रोफाईल ड्रग्ज तस्कर असून त्यानं क्रूझवरील रेव्ह पार्टीत २५ जणांना ड्रग्ज पुरवले होते, अशीही माहिती समोर आली आहे.
श्रेयसकडून एनसीबीच्या अधिकाऱ्यांनी MDMA ड्रग्जच्या गोळ्या, मेफेड्रोन आणि इतर बंदी असलेले अंमली पदार्थ त्याच्याकडून जप्त केले आहेत. डार्कनेटवरुन तो या ड्रग्जच्या ऑर्डर स्विकारत होता. तर ग्राहकांना तो क्रिप्टोकरन्सीच्या (बिटकॉईन) माध्यमातून विकत होता. टाइम्सनाऊ न्यूजने याबाबत वृत्त दिलं आहे.
एनसीबीच्या साध्या वेशातील पोलिसांनी शनिवारी संध्याकाळी मुंबईजवळील समुद्रात 'कॉर्डेलिया' या लक्झरी क्रूझवरील रेव्ह पार्टी उधळल्यानंतर बॉलिवूडचा मेगास्टार शाहरुख खान याचा मुलगा आर्यन खान याच्यासह इतर सात जणांना ताब्यात घेतलं होतं. या क्रूझवर छापा टाकण्यापूर्वी खबऱ्यांमार्फत दोन आठवड्यांपासून एनसीबीच्या अधिकाऱ्यांचा यावर होणाऱ्या पार्टीवर जवळून लक्ष होतं. त्यानंतर रविवारी अधिकृतरित्या सात जणांना पोलिसांनी अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.