मुंबई: कोरोना व्हायरसनं जगभरात थैमान घातलं आहे. आतापर्यंत जगात तब्बल ८० हजारपेक्षा जास्त लोकांचा कोरोनामुळे जीव गेला आहे. त्यामुळे लोकांमध्ये कोरोनाबद्दल प्रचंड भीती आहे. त्यात कोरोना कशामुळे पसरतो याबद्दलचे अनेक तर्क वितर्क आता लावले जातायत. कोरोना बाबाबत अनेक थेअरीज देखील बोलल्या जातायत. अशाच काही थेअरीज किंवा चुकीच्या तर्कवितर्कांमुळे आणि मुळात क्रोनच्या भीतीमुळे ब्रिटनमध्ये लोकांनी 5G मोबाईल टॉवर जाळून टाकलेत. 

कोरोना व्हायरस हा चीनकडून तयार करण्यात आलेलं एक बायोलॉजिकल म्हणजे जैविक शस्त्र आहे असा दावा करणारे व्हिडिओ किंवा पोस्ट तुम्ही सोशल मीडियावर पहिलेच असतील. यातच आता भर पडतेय. जशी कोरोना रुग्णांची आकडेवारी वाढतेय तसतसे जगभरातून अनेक नवीन आणि अनोखे दावे करण्यात येतायत. आधुनिक 5G प्रणालीमुळे कोरोनाचा संसर्ग वाढतो आणि रोगप्रतिकारक क्षमता यामुळे कमी होते असा दावा करण्यात आलाय. त्यामुळेच ब्रिटनमध्ये काही नागरिकांनी  थेट 5G चे मोबाईल टॉवर्सला लक्ष करत हे टॉवर्स थेट जाळून टाकलेत. 

मोठी बातमी - एकीकडे टोलेजंग इमारती दुसरीकडे दाटीवाटीने झोपड्या, मुंबईतील कुठल्या भागात किती रुग्ण

खरं म्हणजे जगभरात सध्या 5G या नवीन आणि अत्याधुनिक इंटरनेट नेटवर्कची चाचणी करण्यात येतेय. यामुळेच कोरोना वाढतो आणि माणसाच्या शरीरातली रोग प्रतिकारक क्षमता कमी होते असं काही नेटकऱ्यांचं म्हणणं आहे. त्यामुळे 5G  विरोधात नागरिकांमध्ये प्रचंड रोष बघायला मिळत आहे.

5G बद्दल आहेत २ प्रकारच्या कॉन्स्पिरसी थिअरीज :

• सोशल मीडियावर 5G नेटवर्कमुळे कोरोना होतो हे व्हायरल झाल्यापासून निरनिराळ्या प्रकारच्या कॉन्स्पिरसि थिअरीज म्हणजे कट सिद्धांत आता समोर येत आहेत.
• यात दोन प्रकारचे दावे करण्यात आले आहेत.
• 5G  टॉवरच्या सिग्नलमुळे माणसाच्या शरीरातली रोग प्रतिकारक क्षमता कमी होते. त्यामुळे कोरोनाचा धोका अधिक वाढतो असं सांगण्यात येतंय.
• तर काही लोकंच्या म्हणण्यानुसार 5G नेटवर्कमुळेच कोरोनाचा संसर्ग वाढत चालला आहे असं बोललं जातंय.

मोठी बातमी - विवीध ब्लड ग्रुप्स आणि कोणत्या ब्लड ग्रुपला आहे कोरोनाचा जास्त धोका, जाणून घ्या...

यावर काय म्हणतात वैज्ञानिक:

5G  नेटवर्कमुळे कोरोनाचा संसर्ग वाढतो हा दावा धादांत चुकीचा आहे. वैज्ञानिकांचं  असं  म्हणणं आहे. तसंच 5G  नेटवर्कचा आणि रोगप्रतिकारक क्षमतेचा काहीही संबंध नाही असंही वैज्ञानिक म्हणतायेत. कुठल्याही नेटवर्कमुळे कोरोनाचा संसर्ग वाढत आहे असं आजपर्यंत स्पष्ट झालेलं नाही. त्यामुळे नागरिकांनी कुठल्याही अफवांवर विश्वास ठेऊ नये असं वैज्ञानिक सांगतायेत.

due to 5G network towers novel corona virus is spreading check what is viral truth