मुंबई - बातमी मुंबईकरांची चिंता वाढवणारी. एकीकडे मुंबईत कोरोना डबलिंग समाधानकारकरीत्या आवाक्यात येतोय. तर दुसरीकडे मुंबईतील उत्तर मुंबई या भागात कोरोना रुग्णांची संख्या झपाट्याने वाढतेय. मुंबईतील उत्तर मुंबई हा भाग आता कोरोनाचा नवीन हॉटस्पॉट म्हणून समोर येतोय.

उत्तर मुंबईप्रमाणेच पश्चिम उपनगरांमध्ये देखील कोरोना रुग्ण झपाट्याने वाढताना पाहायला मिळतायत. याच पार्श्वभूमीवर उत्तर मुंबईतील जीवनावश्यक वस्तूंची दुकानं वगळता बाकी सर्व दुकानं आता बंद ठेवण्याचा BMC ने निर्णय घेतलाय.

मोठी बातमी - आधी पाठवला अश्लील मेसेज आणि व्हिडीओ, मग केला थेट अश्लील व्हिडिओ कॉल आणि मग....

महापालिकेकडून या भागातील अनेक इमारती या आधीच सील करण्यात आल्यात. मात्र या भागातील नियम तोडणाऱ्यांवर आणि आदेश धुडकावणाऱ्यांवर पालिका प्रशासन आता अत्यंत कडक कारवाई करणार आहे. उत्तर मुंबईत कांदिवली, मालाड, दहिसर आणि बोरिवली हा भाग येतो.  

कोरोना डब्लिंगचा रेट कुठे किती दिवस?  

• कांदिवली 25 दिवस
• मालाड 19 दिवस 
• बोरिवली 18 दिवस 
• दहिसर 15 दिवस 

आता मुंबई महापालिकेने मिशन उत्तर मुंबई हातात घेतलं आहे. या अंतर्गत आता दाटीवाटीचा भाग आणि झोपड्पट्टीमध्ये लॉकडाऊनचे कडक नियम पळाले जाणार आहेत. उत्तर मुंबईत एकूण ११५ प्रतिबंधित क्षेत्र आहेत. यामध्ये ९०० पेक्षा अधिक इमारती या सील करण्यात आल्या आहेत. त्यामुळे कंटेनमेंट झोन आणि सील केलेल्या इमारतींच्या भागांमध्ये जीवनावश्यक सेवा वगळता इतर सर्व दुकानं बंद ठेवण्यात येणार आहेत.

मोठी बातमी  - बेकायदा टेलिफोन एक्सचेंज प्रकरण: नेपाळ भेटीबाबत आरोपीची चौकशी सुरू; पाकिस्तानला माहिती पुरवत असल्याचा संशय..  

कांदिवली, मालाड, दहिसर आणि बोरिवलीत कोरोना डबलिंग रेट हा १५ ते २० दिवस आहे त्यामुळे उत्तर मुंबईतील सर्व ११५ प्रतिबंधित क्षेत्र आणि सील केलेल्या इमारतींमधील नागरिकांवर विशेष लक्ष ठेवलं जाणार आहे.

दरम्यान ज्यांच्याकडून लॉकडाऊनचं पालन होणार नाही त्यांच्यावर कारवाई केली जाणार असल्याचं BMC ने सांगितलंय.

due to increased covid19 patients strict lockdown rules will be followed in north maharashtra