मुंबई : शिवसेनेचे खासदार संजय राऊत यांना पुन्हा एकदा ईडीनं समन्स बजावलं आहे. उद्या त्यांना चौकशीसाठी हजर राहण्याचे निर्देश देण्यात आले आहेत. यापूर्वीही राऊतांची ईडीकडून चौकशी झाली आहे. (ED summons Sanjay Raut again the inquiry will be held tomorrow)

संजय राऊत यांना ईडीच्या मुंबई कार्यालयाकडून मंगळवारी समन्स बजावण्यात आलं असून उद्या त्यांना चौकशीसाठी समन्स बजावण्यात आलं आहे. पत्राचाळ घोटाळा प्रकरणी त्यांना हे समन्स बजावण्यात आलं आहे. यापूर्वी दोन वेळा राऊतांची चौकशी झाली आहे.

याच प्रकरणी ईडीनं आज संजय राऊतांचे निकटवर्तीय सुजीत पाटकर आणि स्वप्ना पाटकर यांची सुमारे सहा तास चौकशी करण्यात आली त्यानंतर त्यांना सोडण्यात आलं. पण आता राऊतांना नोटीस बजावली असून उद्या त्यांना चौकशीसाठी बोलावण्यात आलं आहे.