मुंबई, ता. 8 : मुंबईत लागणाऱ्या आगींपैकी 80 टक्के आगी या सदोष विद्युत यंत्रणेमुळे लागत असल्या तरी इमारतींमधील वायरींगची तपासणी करण्याचे अथवा ऑडीट करुन घेण्याचे अधिकार महानगर पालिका अथवा मुंबई अग्निशमन दलाकडे नाही. त्यामुळे डोळ्याने लटकत असलेल्या वायर्स दिसत असल्या तरी कारवाई करता येत नाही अशी खंत प्रशासनाकडून व्यक्त केली जात आहे.

महत्त्वाची बातमी : सुशांत सिंह राजपूत मृत्यू प्रकरणात CBI चं अद्यापही मौन, CBI तपासाचं झालं तरी काय ?  मुंबई उच्च न्यायालयात याचिका

इमारतींमधील अंतर्गत अग्निशमन यंत्रणेचे परवनाधारक ऑडीटरकडून ऑडिट करुन त्याचा अहवाल अग्निशमन दलाला सादर करायचा असतो. मात्र, इंडियन इलेक्ट्रीक कायद्यानुसार दर पाच वर्षांनी सर्व प्रकारच्या इमारतींमधील वायरिंगचे ऑडीट होणे बंधनकार आहे. यावर लक्ष ठेवण्याची जबाबदारी सार्वजनिक बांधकाम विभागाची आहे. महापालिका अथवा अग्निशमन दलाकडे ही जबाबदारी नसल्याने त्या कायद्यानुसार कारवाई करता येत नाही अशी खंत अग्निशमन दलाच्या अधिकाऱ्याने सांगितले.

मुंबईतील 80 टक्क्याहून जास्त आगी या शॉर्ट सर्किटमुळे लागतात. सदोष विद्युत प्रणालीच हे आगीचे सर्वात मुख्य कारण आहे. नागपाडा येथील सिटी सेंटर मॉलला लागलेली आगही शॉर्ट सर्किटमुळे लागली असल्याचा अंदाज आहे. त्यामुळे इमारतींमधील अंतर्गत वायरींगवर लक्ष ठेवल्यास आगींवर मोठ्या प्रमाणात नियंत्रण ठेवता येऊ शकते, असेही या अधिकाऱ्याने सांगितले.

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai

नागरीकांनी राहात असलेल्या घराची इमारतीची आगीबाबत काळजी घेणे गरजेचे आहे. असे प्रमुख अग्निशमन अधिकारी के. व्ही. हिरवाळे यांनी सांगितले.

eighty percent of fire breakouts are due to faulty wires says fire fighting authority