मुंबई: मुंबईचे पोलीस आयुक्त (mumbai police commissioner) हेमंत नगराळे यांनी वाहन चालकांना दिलासा दिला आहे. त्यांनी वाहतूक पोलिसांना (traffic police) वाहनांना थांबवून त्यांची तपासणी तसेच कागदपत्रांची तपासणी (document check) न करण्याचे निर्देश दिले आहेत. मुंबईच्या रस्त्यांवरील वाहतूक कोंडी (traffic congestion) टाळण्यासाठी मुंबई पोलीस आयुक्तांनी हे आदेश काढले आहेत.

मुंबईत बहुतांश ठिकाणी गाड्या थांबवून त्यांच्या कागदपत्रांची तपासणी केली जाते. त्यामुळे मोठ्या प्रमाणात वाहतूक कोंडी होते. जी वाहन ट्राफिक नियमांचे उल्लंघन करतील अशाच वाहनांना थांबण्यास प्राधान्यक्रम देण्याचे आदेश हेमंत नगराळे यांनी मुंबई ट्रॅफिक पोलिसांना दिले आहेत.

तसेच कागदपत्रांची तपासणी वाहतूक विभागाने करण्याऐवजी वाहतूक कशी सुरळीत राहील याकडे प्राधान्याने लक्ष देण्याची गरज असल्याचं हेमंत नगराळे यांनी आपल्या आदेशात म्हटले आहे.