डोंबिवलीत शिवकालीन तलवारी, ढाल, खंजीर, चिलखत, कट्यार यांसारखी शस्त्रे आणि चलनात वापरण्यात येणारी नाणी शाळकरी मुलाना व इतिहासप्रेमींना प्रत्यक्षात पाहता यावी म्हणून अखिल महाराष्ट्र गिरिया रोहक महासंघ तर्फे डोंबिवली पश्चिमेत ऐतिहासिक शस्त्र व नाणी यांचे प्रदर्शन भरविण्यात आले आहे .

या प्रदर्शनात शिवकालीन विविध शस्त्रे इतिहासप्रेमींना जवळून पहाता आली. शाळकरी मुलांनी ही प्रदर्शन पाहण्यासाठी गर्दी केली होती. विशेष म्हणजे अखिल महाराष्ट्र गिरिया रोहक महासंघ तर्फे फायबर मध्ये विजयदुर्ग व सुवर्णदुर्ग किल्ल्याची प्रतिकृती साकारण्यात आली असून 350 वर्षीय जुनी शिवकालीन तलवारी, कट्यार, चिलखत, वाघनखे, धोप तलवार,

पट्टा, ढाल, धनुष्य बाण, भाले, लहान मुलांची शस्त्रे,फरशी, कुऱ्हाड आदि शस्त्रे मांडण्यात आली आहेत.तसेच मराठा संस्थानिकांची नाणी, संपूर्ण हिंदूस्थानातील मराठ्यांची नाणी देखील मांडण्यात आले आहे त्या बरोबर हे प्रदर्शन पाहण्यासाठी आलेल्या नागरिक विद्यार्थी पालक व इतिहास प्रेमींना याची माहितीही या ठिकाणी देण्यात आली आहे.