मुंबई : प्रसिद्धी माध्यमांचे अस्तित्व एका विशिष्ट उद्देशासाठी आहे. त्याचे रक्षण करणे आवश्यक आहे, अशा शब्दात मुंबई उच्च न्यायालयाने माध्यमांचे समर्थन केले आहे. आर्थिक गैरव्यवहारासंबंधित एका प्रकरणात सीलबंद लिफाफ्याद्वारे माहिती दाखल करुन घेण्यासही न्यायालयाने नकार दिला.
नॅशनल स्टॉक एक्स्चेंजच्या एका एंजटमार्फत केलेल्या कथित गैरव्यवहार संबंधित प्रकरणावर मागील आठवड्यात न्या. गौतम पटेल यांच्या पुढे सुनावणी झाली. या सुनावणीमध्ये एका पक्षकाराच्या वतीने एक सीलबंद लिफाफा न्यायालयात देण्यात आला. यामध्ये काही महत्त्वाची कागदपत्रे आणि माहिती आहे आणि ती संवेदनशील आहे. त्यामुळे ती प्रसारमाध्यांकडे जायला नको, असे सांगण्यात आले. मात्र न्या. पटेल यांनी लिफाफा घेण्यास नकार दिला. न्यायालयात असलेली माहिती सर्व पक्षकारांसाठी आहे, पारदर्शक आणि खुल्या पद्धतीने न्यायदान करण्याची माझी ही पध्दत आहे, असे ही न्या. पटेल म्हणाले. सर्व पक्षकारांनी लेखी प्रतिज्ञापत्र दाखल करण्याचे निर्देश न्यायालयाने दिले.
यानंतर एका पक्षकाराच्या वतीने ॲड. रोहन कामा यांनी, लिफाफ्यातील माहिती महत्त्वाची आहे. प्रसिद्धी माध्यमांकडे जाऊ शकते, असे सांगितले. मात्र, माध्यमांचे अधिकार मी कमी करू शकत नाही आणि करणारही नाही. प्रसारमाध्यमे नेहमीच गैरजबाबदारीने वागतात, असे वाटत नाही, असे म्हणत न्यायालयाने मागणी अमान्य केली. याप्रकरणी पुढील सुनावणी ऑक्टोबरमध्ये होणार आहे.
-------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.