मुंबई : विदर्भ व मराठवाडा वैधानिक विकास मंडळांना मुदतवाढ देण्याची मागणी माजी अर्थमंत्री सुधीर मुनगंटीवार यांनी मुख्यमंत्री उद्धव ठाकरे यांच्याकडे केली आहे. याबाबत सकारात्मक निर्णय घेण्याचे आश्वासन मुख्यमंत्र्यांनी दिल्याची माहिती मुनगंटीवार यांनी दिली.
मुनगंटीवार यांनी दूरध्वनीवरून मुख्यमंत्री ठाकरे यांच्याशी संवाद साधला. वैधानिक विकास मंडळांची मुदत एप्रिलमध्ये संपली आहे. या मंडळांना मुदतवाढ न दिल्यास पुरवणी मागण्यांमध्ये निधी वितरणात विदर्भ व मराठवाड्यावर अन्याय होण्याची भीती असल्याचे मुनगंटीवार म्हणाले. विकास खर्चाचे समान वाटप, साधन संपत्तीचे न्याय वाटप आणि सर्व विभागांचा समतोल विकास साधण्याच्या उद्देशाने प्रादेशिक वैधानिक विकास मंडळांची स्थापना करण्यात आली होती. या मंडळांच्या स्थापनेमागील मूळ उद्देश सफल व्हावा आणि विदर्भ, मराठवाड्याच्या जनतेला न्याय मिळावा, यासाठी वैधानिक विकास मंडळांना मुदतवाढ देणे आवश्यक असल्याचे आमदार मुनगंटीवार यांनी म्हटले आहे.
ग्रामपंचायतींवर प्रशासक नको
कोविड-19 प्रादुर्भावाच्या पार्श्वभूमीवर प्रशासक न नेमता, राज्यातील 14,314 ग्रामपंचायतींचे सरपंच, उपसरपंच व सदस्यांना सहा महिने मुदतवाढ द्यावी, अशी मागणीही सुधीर मुनगंटीवार यांनी मुख्यममंत्र्याकडे केली. या मागणीसंदर्भातही मुख्यमंत्री सकारात्मक असल्याचे त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.