मुंबई : देशातील एकूण २२ राज्यांमध्ये एक सर्व्हेक्षण करण्यात आलंय. या सर्वेक्षणातून एक अत्यंत महत्त्वाची बाब समोर आली आहे. या अभ्यासामध्ये भारतामध्ये विवाहित जोडप्यांकडून होणारा गर्भनिरोधक गोळ्यांचा वापर कमी झाल्याचं निदर्शनास आलं आहे.

देशातील एकूण २२ राज्य आणि केंद्रशासित प्रदेशमधील शहरी भागात हे सर्वेक्षण करण्यात आलं. महत्त्वाची बाब म्हणजे मुंबईत फॅमिली प्लॅनिंगसाठी गर्भनिरोधक गोळ्यांऐवजी कंडोमचा वापर दुप्पट झाल्याची बाब उघडकीस आली आहे. तसेच गर्भनिरोधक गोळ्यांसोबतच महिलांच्या नसबंदीच्या प्रमाणातही घट झाल्याची माहिती समोर आली आहे. नॅशनल फॅमिली हेल्थ सर्व्हेमधून ही बाब समोर आली आहे. 

महत्त्वाची बातमी : नवी मुंबईत हवा प्रदूषण, मॉर्निंग वॉक तुमच्या आरोग्यासाठी ठरू शकतो घातक

मुंबईची आकडेवारी काय सांगते ? 

• मुंबईतील १० पैकी ७ विवाहित जोडपी पहिल्यापासूनच कुटुंब नियोजनाच्या पद्धतीशी जोडले गेल्याचं दिसून आलं.
• २०१५-१६ मध्ये कुटुंब नियोजन करणाऱ्या जोडप्यांची संख्या ५९.६ टक्के होती, २०१९-२० मध्ये हीच आकडेवारी वाढून ७४.३ टक्के झाली
• यादरम्यान, कंडोमचा वापर ११.७ टक्क्यांवरून वाढून १८.१ टक्के झाला
• गर्भनिरोधक गोळ्या घेण्याचं प्रमाणही ३.१ टक्क्यांवरून कमी होऊन १.९ टक्क्यांवर आलं आहे. 
• महिला नसबंदीचं प्रमाण ४७ टक्क्यांवरून कमी होत ३६.१ टक्क्यांवर आलं.

महत्त्वाची बातमी : मराठा विद्यार्थ्यांना EWSचा आधार, मुंबई उच्च न्यायालयाचे आदेश 

मुंबई उपनगरांमधील आकडेवारी काय सांगते? 

• मुंबई उपनगरांमध्ये पुरुषांमध्ये कंडोमचा वापर हा दुप्पट  झाला.  
• मुंबई उपनगरांमध्ये  कंडोमचा वावर २०१५- १६ मध्ये ८.९ टक्के होता तो आता २०१९-२० मध्ये वाढून १८ टक्क्यांवर गेला. म्हणजेच कंडोमचा वापर दुप्पट झाला.
• मुंबई उपनगरांमध्ये महिला नसबंदी प्रमाण ४३ टक्क्यांवरून ३७.५ टक्क्यांवर आलं आहे
• महत्त्वाची बाब म्हणजे गर्भनिरोधक गोळ्या घेण्याचं प्रमाण ५.३ टक्क्यांवरून ०.९ टक्क्यांपर्यंत घसरलं आहे. 

मुंबईच्या बातम्या वाचण्यासाठी इथे क्लिक करा । Latest News From Mumbai

family planning condoms are preferred over contraceptive pills stats of mumbai city