मुंबई, ता. 22 : अखिल भारतीय किसान संघर्ष समन्वय समितीच्या वतीने आज ( 22 डिसेंबर ) रोजी वांद्रे- कुर्ला कॉम्प्लेक्स मधल्या रिलायन्स इंडस्ट्रीजच्या कॉर्पोरेट कार्यालयावर मोर्चा काढला जाणार आहे. या मोर्चात कामगार, शिक्षण राज्यमंत्री बच्चू कडू, स्वाभामानी शेतकरी संघटनेचे नेते राजू शेट्टी, शेकापचे नेते आमदार जयंत पाटील, हमाल पंचायतीचे प्रमुख बाबा आढव, सामाजिक कार्यकर्त्या मेधा पाटकर या सहभागी होणार आहे. 

महत्त्वाची बातमी : मुंबईकरांनो पुढील पंधरा दिवस आहे 'नाईट कर्फ्यू', जाणून घ्या कसे असतील नियम

दिल्लीच्या सिमेवर सुरु असलेल्या शेतकरी आंदोलनाला पाठींबा देण्यासाठी मुंबईतही शेतकऱ्यांच्या विवीध संघटना एकत्र येणार आहे. हा मोर्चा  रिलायंन्सच्या कॉर्पोरेट कार्यालयावर धडकणार आहे. वांद्र्यातील उपनगर जिल्हाधिकारी कार्यालयापासून या मोर्चाची सुरुवात होणार आहे. केंद्र सरकारने नुकतेच संमत केलेल्या शेतकरी विरोधी तीनही कायद्यांचे बोलवते धनी अंबानी, अदानी आहेत. दिल्लीच्या सिमेवर ठाण मांडून बसलेल्या शेतकऱ्यांनी अदानी, अंबानीच्या उत्पादनावर बहिष्कार टाकण्याचे आवाहन केले आहे.

महत्त्वाची बातमी : नवी मुंबईत हवा प्रदूषण, मॉर्निंग वॉक तुमच्या आरोग्यासाठी ठरू शकतो घातक

भविष्यात अंबानी, अदानी समूहाच्या सर्व सेवा आणि उत्पादने शेतकरी नाकारणार असून, देशाच्या खऱ्या मालकांना इशारा देण्यासाठी हा मोर्चा आहे, असं शेकापचे नेते जयंत पाटील यांनी म्हटले आहे. गेल्या काही दिवसापासून या मोर्चाच्या नियोजनासाठी तयारी सुरु होती. 

मुंबईच्या बातम्या वाचण्यासाठी इथे क्लिक करा । Latest News From Mumbai

शेतकरी मोर्चाच्या पार्श्वभूमीवर रायगड जिल्ह्यातून शेकापचे कार्यकर्ते मुंबईत दाखल झाले आहेत. तर प्रहारचे बहुतांश कार्यकर्ते मुंबईला पोहोचले आहेत. राजू शेट्टी यांच्या स्वाभीमानी शेतकरी संघटनेचे कार्यकर्ते पश्चिम महाराष्ट्र, विदर्भातील काही भागातून मुंबईला येऊन धडकणार आहेत. यामध्ये रविकांत तुपकरांचाही समावेश आहे. सरकारमध्ये राज्यमंत्री असूनही बच्चू कडू या मोर्चात सहभागी होणार असल्याचे सांगण्यात आलंय. आंदोलन शांततेत झाल्यास अटकाव न करण्याची भूमिका पोलिसांनी घेतली आहे. त्यामुळे अजुनपर्यंत पोलिसांकडून कुणालाही नोटीस दिली नसल्याचे कळते.

farmers protest in mumbai march against ambani and adani farmers organizations are aggressive