Otur News: माळशेज घाटा जवळील आवळ्याची वाडी (ता.मुरबाड जि.ठाणे) येथे नगर-कल्याण महामार्गावर दुधाचा ट्रँकर व ४०७ टेम्पो यांच्या झालेल्या अपघातात चार जण ठार झाले असून दोन जण जखमी झाले असल्याची माहिती टोकवडे पोलीस ठाण्याचे सहायक पोलीस निरीक्षक दिनकर चकोर व पोलीस उपनिरीक्षक एकनाथ बदे यांनी दिली.

या अपघाता अक्षय शांताराम दिघे वय.३३ व तेजल अक्षय दिघे वय.२६ रा.पांगरी तर्फे मढ व टँकर चालक दत्तात्रय किसन वामन रा.पिपळवंडी हे जागीच ठार झाले असून ४०७ टेम्पो चालक शकील अमजत शेख रा.बादशाह तलाव,जुन्नर हा उपचारा दरम्यान मयत झाला आहे.

सदर अपघाता आरूष अक्षय दिघे वय.३ हा जखमी असून आळेफाटा येथील खाजगी रूग्णालयात उपचार घेत आहे.या अपघाता बाबत निसार लतीफ पठाण यांनी टोकवडे पोलीस ठाण्यात फिर्याद दिली आहे.(pune Accident news)

याबाबत पोलीस हवालदार रमेश गंगावणे व पाडुरंग बगाड यांनी माहिती दिली की दिघे दामंपत्य नातेवाईकाच्या लग्न निमीत्त गावी आले होते ते शुक्रवारी दुपारी परत मुंबई ला दुधाच्या टँकर मध्ये माळशेज मार्गे कल्याण ला जात असताना कल्याण बाजू कडून जुन्नर बाजूला येत असलेल्या मालवाहू ४०७ टेम्पो ची नगर-कल्याण महामार्गावर आवळ्याची वाडी येथे समोरासमोर धडक झाली .

ही धडक एवढी भिषण होती की या अपघाता टँकर रस्त्याच्या खाली होऊन टँकरवरील दुधाची टाकीही तुटून बाजूला झाली.तर मालवाहू पिकअप चे ही मोठे नुकसान झाले.या अपघातात दिघे दामंपत्य जागीच ठार झाले.तसेच टँकर चालक ही जागीच ठार झाला.

सुदैवानेशतकन वर्षाचा आरूष वाचला.तर ४०७ चा टेम्पो चालक ही गंभीर जखमी होऊन उपचारा दरम्यान मयत झाला.पुढिल तपास टोकवडे पोलीस करत आहे.