भिवंडी - भिवंडी शहरातील धामणकर नाका पटेल नगर या परिसरात आज पहाटे इमारत कोसळून झालेल्या दूर्घटनेत 12 जणांचा मृत्यू झाला आहे. महापालिकेने धोकादायक इमारत घोषित करून नोटीस बजावली असताना त्याकडे दुर्लक्ष केले. त्यामुळे इमारत कोसळून भीषण दूर्घटना झाली या प्रकरणी इमारतीचे मालक विरोधात नारपोली पोलिसांनी गुन्हा दाखल केला आहे.
सय्यद अहमद जिलानी (वय 60 रा.नालापार भिवंडी)असे गुन्हा दाखल करण्यात आलेल्या इमारत मालकाचे नांव आहे.शहरातील पटेल नगर या भागात असलेली जिलानी इमारत ही कमकुवत व धोकादायक नागरिकांना राहण्यास योग्य नाही याबाबत भिवंडी महानगरपालिका प्रशासनाने दोन वेळा इमारतीचे मालक सय्यद अहमद जिलानी यांना नोटीस बजावली सदर इमारत अत्यंत कमकुवत झालेली आहे.रहिवाशांच्या जीवाला धोका निर्माण होऊ शकतो हे माहित असून सुद्धा या इमारतीचे मालक यांनी महापालिकेच्या नोटीस इकडे दुर्लक्ष केले तसेच इमारती मधील रहिवाशांच्या जीवाला धोका होऊ शकतो हे माहित असताना सुद्धा रहिवाशांना रूम खाली करण्यास न लावल्याने सदर जिलानी इमारत ही आज पहाटेच्या सुमारास कोसळली.
खासगीत पॉझिटिव्ह अन सरकारी रुग्णालयात निगेटिव्ह; विश्वास कोणत्या अहवालावर ठेवायचा? रुग्णासमोर प्रश्न
त्यामुळे झालेल्या दुर्घटनेत 12 जणांचा मृत्यू झाला आहे तर वीस जण गंभीररीत्या जखमी झाले आहेत. त्यामुळे पोलिसांनी इमारतीचे मालक सय्यद अहमद जिलानी यांच्याविरोधात भा द वि 337,338,304 दोन प्रमाणे गुन्हा दाखल केला आहे अधिक तपास नारपोली पोलीस ठाण्याचे पोलीस उपनिरीक्षक शेख करीत आहे.
---------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.