मुंबई: ठाणे जिल्ह्यातील अंबरनाथ येथे रविवारी बैलगाडी शर्यतीवरून दोन गटांमध्ये झालेल्या भांडणात गोळीबार झाल्याचा धक्कादायक प्रकार समोर आला आहे, यासंदर्भात पोलिसांनी माहिती दिली आहे.

अंबरनाथ एमआयडीसीतील सुदामा हॉटेलजवळ गोळीबाराची घटना घडली . या घटनेमुळे परिसरात एकच खळबळ उडाली. दरम्यान यावेळी १५ ते २० गोळ्या झाडण्यात आल्याची प्राथमिक माहिती समोर आली आहे

पोलिसांनी दिलेल्या माहितीनुसार, अंबरनाथच्या एमआयडीसी परिसरात सायंकाळी झालेल्या या घटनेत कोणीही जखमी झाले नाही.दरम्यान प्राथमिक तपासानुसार, अंबरनाथमधील एका गावात बैलगाडी शर्यती सुरू असताना ही घटना घडली, जिथे दोन प्रतिस्पर्धी गटांमध्ये हाणामारी झाली, असे एका अधिकाऱ्याने सांगितले. त्यानंतर दोन गटातील सदस्यांनी नंतर एकमेकांवर गोळीबार केला, परंतु कोणीही जखमी झाले नाही, असे पोलिसांनी सांगितले.