निवृत्त सहाय्यक पोलिस आयुक्त (एसीपी) प्रदीप टेमकर यांनी इमारतीच्या सातव्या मजल्यावरून उडी मारून आत्महत्या केल्याचा धक्कादायक प्रकार समोर आला आहे. टेमकर यांनी त्यांचं राहतं घर माटुंगा पूर्व येथील देवधर रोडवरील गंगा हेरिटेज इमारतीच्या सातव्या मजल्यावरून उडी मारत त्यांचं जीवन संपवलं.

दरम्यान प्रदीप टेमकर नैराश्येतून आत्महत्या केल्याचा संशय व्यक्त केला जात आहे. ते पत्नी आणि दोन मुलांसोबत राहत होते. मिळालेल्या माहितीनुसार, सायंकाळी ५.१५ च्या सुमारास टेमकर घरी एकटे असताना त्यांनी आत्महत्या केली. २०१४ साली वाहतूक विभागातून ते निवृत्त झाले होते दरम्यान माटुंगा पोलिस ठाण्यात अकस्मात मृत्यूची नोंद करण्यात आली आहे.