मुंबई : बाजारात गाडी घेऊन जात असाल तर थांबा. घाटकोपर परिसरात चारचाकी रस्त्यावर आणण्यास बंदी करण्यात आली आहे. किरकोळ कारणासाठी कार घेऊन फिरत असल्यास किमान 500 ते 1000 रुपयांचा फटका बसण्याची शक्यता आहे.

हे वाचलं का? : आता कोरोना रुग्णांच्या तपासासाठी वापरण्यात येणार कॅप्सूल बुथ 

मुंबई महापालिकेच्या एन प्रभागात गुरुवारी (ता. 16) प्रशासन, पोलिस आणि लोकप्रतिनिधींची बैठक झाली. बैठकीत पोलिसांनी बाजारातील वाहतूक कोंडीचा मुद्दा उपस्थित केला. बाजारात गरज नसताना नागरिक चारचाकी घेऊन येत असल्याने वाहतूक कोंडीत भर पडते, असे पोलिसांनी सांगितले. त्यामुळे चारचाकी वापरण्यावर निर्बंध आणावेत, असा निर्णय बैठकीत घेण्यात आला. बैठकीत ठरल्यानुसार बाजारात चारचाकी वाहने घेऊन येणाऱ्यांवर दंडात्मक कारवाई करण्यात येणार आहे.

महत्त्वाचं : मुंबईकरांनो... तुम्ही कोरोनाच्या `या` स्टेजमध्ये

खवय्यांना दिलासा 
केंद्र आणि राज्य सरकारने मासेमारीला परवानगी दिली आहे. मात्र, मासे विकायचे कोठे, असा प्रश्न विक्रेत्यांपुढे होता. पण, घाटकोपरमध्ये मासळी बाजारात मासेविक्रीला परवानगी देण्यात आली आहे. मासळी बाजार आणि मटणविक्रीची दुकाने सकाळी 8 ते 11 वाजेपर्यंत सुरू ठेवण्यास परवानगी देण्यात आली आहे.

रेशन दुकाने बारा तास सुरू 
रेशनची दुकाने सकाळी 8 ते रात्री 8 पर्यंत सुरू ठेवण्याचा निर्णय राज्य सरकारने घेतला आहे. मात्र, घाटकोपरमध्ये संध्याकाळी 6 वाजेपर्यंत दुकाने सुरू ठेवण्यात येणार आहेत. त्यातच एखाद्या रेशनच्या दुकानात गर्दी झाल्यास नजिकच्या पालिका शाळेत दुकानाला जागा देण्याचा निर्णय घेण्यात आला आहे.