मुंबई : महाविकास आघाडीवर दाखवलेल्या विश्वासाबद्दल मी महाराष्ट्रातील सर्व शिक्षक आणि पदवीधरांचे आभार मानते. मुख्यमंत्री उद्धव ठाकरे, बाळासाहेब थोरात, अजित पवार आणि जयंत पाटील मार्गदर्शनाखाली या निवडणुका पार पडल्यात. गेल्या एक वर्षात उद्धव ठाकरे यांच्या नेतृत्वात महाविकास आघाडी सरकार चाललं आहे, त्या कामाची आम्हाला आज पोचपावती मिळाली आहे. आम्ही एकत्रित काम केल्याने टीमवर्क झालं, त्यासोबतच गेल्या एक वर्षात आम्ही व होमवर्क केला त्यामुळे आम्ही गेल्या एक वर्षात आणि कोविडच्या काळात केलेल्या कामाची  पोचपावती आम्हाला मिळाली, असं सुप्रिया सुळे म्हणाल्या आहेत. विधानपरिषद पदवीधर आणि शिक्षक निवडणुकांच्या निकालांवर सुप्रिया सुळे यांनी मुंबईत आपली प्रतिक्रिया दिली आहे.

महत्त्वाची बातमी : "मित्र त्यांना जाऊन मिळाला म्हणून हे चित्र", चंद्रकांत पाटील

पुढे बोलताना सुप्रिया सुळे म्हणालात की, आमचं सरकार दडपशाहीचं सरकार नाही. आमच्या विरोधकांनी आमच्यावर मनमोकळेपणाने टीका टिप्पणी करावी. महाराष्ट्रातील जनतेने आमच्यावर जो विश्वास दाखवलाय त्यामुळे आमची नैतिक जबाबदारी आणि पुढील परफॉर्मन्सची जबाबदारी आणखीन वाढल्याचं देखील सुप्रिया सुळे म्हणालात. 

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai

भाजपचे सर्व सहकारी पक्ष भाजपाला सोडून जातायत. भाजपचा केंद्रात आणि राज्यातही घटस्फोट होतोय. त्यामुळे कुणी आत्मचिंतन करावं हे मी आम्ही सांगणार नाही, मात्र आम्ही तिघे एकत्र आहोत आणि आमचा संसार सुखी आहे, असं खासदार सुप्रिया सुळे म्हणाल्यात.  

महत्त्वाची बातमी : "महाराष्ट्राचं चित्र बदलतंय, बदलाला सर्वसामान्य लोकांचा मोठा पाठिंबा"; निकालानंतर शरद पवारांचं सूचक विधान

Graduate constituency election results 2020 reaction of NCP leader supriya sule