मुंबई : मुंबईत कोरोनाबाधितांची संख्या वेगाने वाढत असून, केवळ पाच प्रभागांत 2169 रुग्ण आहेत. धारावीतील रुग्णांची संख्या आता नियंत्रणात येत असली, तरी या पाच प्रभागांमुळे चिंता वाढली आहे.

ही बातमी वाचली का? मुंबईत घर खरेदी करायचंय? चिंता सोडा! ही बातमी वाचा...

धारावीत कोरोनाचे रुग्ण सापडल्यामुळे आणि त्यांच्या संख्येत वाढ होत असल्यामुळे घबराट पसरली होती. आता तेथील रुग्णांची संख्या नियंत्रणात येत आहे; मात्र इतर पाच प्रभागांमध्ये रुग्णांचे प्रमाण वाढत असल्याचे दिसते. मुंबईतील एकूण 4870 रुग्णांपैकी साधारणत: निम्मे म्हणजे 2169 रुग्ण या पाच प्रभागांतच आहेत.

ही बातमी वाचली का?  खासगी रुग्णालयांबाबत महापौरांची आयुक्तांकडे ही मागणी

हेच ते पाच प्रभाग

• जी दक्षिण : 600
• ई : 466
• के पश्चिम : 373
• एल : 371
• एफ उत्तर : 359

धारावीपेक्षा रुग्णांची संख्या अधिक
जी उत्तर प्रभागातील धारावीमध्ये सध्या कोरोनाचे 349 रुग्ण आहेत. परंतु, जी दक्षिण (वरळी), ई (भायखळा), के पश्चिम (अंधेरी), एल (कुर्ला), एफ उत्तर (माटुंगा) या प्रभागांमध्ये धारावीपेक्षा अधिक संसर्ग होत आहे. 

ही बातमी वाचली का? खबरदारी म्हणून बेस्टने घेतला वाहकांबाबत महत्त्वाचा निर्णय

काय आहे कारण?
या पाचही प्रभागांमध्ये दाटीवाटीची वस्ती आहे. झोपडपट्ट्या, चाळी आणि लहान इमारतींची संख्या अधिक आहे. मोठे बाजार असल्यामुळे या परिसरात लोकांची जास्त गर्दी असते.

ही बातमी वाचली का? कोणी पैसे काढून देईल का? डोबिंवलीकरांची आर्र्त हाक 

उपाययोजना सुरू
कोरोनाबधितांच्या संपर्कातील सहवासितांचा शोध घेण्यात येत आहे. या परिसरांमध्ये आरोग्य शिबिरे घेऊन रहिवाशांची तपासणी करण्यात येत आहे. घरांमधील गर्दी कमी करण्यासाठी संस्थात्मक क्वारंटाईनवर भर देण्यात येत आहे.