मुंबई : राज्यात आतापर्यंत कोरोनामुक्त झालेल्यांपैकी 5000 रुग्णांचे वय 80 वर्षांहून अधिक आहे. तर, 90 वर्षांपुढील जवळपास 600 लोक बरे झाले आहेत. त्यामुळे कोरोनाची भीती न बाळगता सावधतेने त्याचा सामना करा, असे आवाहन आरोग्य मंत्री राजेश टोपे यांनी नागरिकांना केले आहे. 

तर, शिवसेना महाराष्ट्र दुष्मनांचे श्राद्ध घालेल'; संजय राऊतांची कडक शब्दात टीका

कोरोनारुग्ण 10 ते 12 दिवसांमध्ये या आजारातून बाहेर पडू शकतात. त्यामुळे भीती बाळगू नका. काळजी घेत काम करत रहावे हाच सध्या कोरोनाबरोबर जगण्याचा महत्त्वाचा सिद्धांत आहे, असे राजेश टोपे यांनी म्हटले आहे. कोरोना विषाणुचा मुख्य गुणधर्मच जास्तीत जास्त प्रमाणात पसरणे हा आहे. परंतु, जगभरात जवळपास 80 टक्के लोक लक्षणविरहीत आहेत. यातील सौम्य लक्षण असलेल्या रुग्णांची रोगप्रतिकार शक्ती कोव्हिड केंद्रात केवळ 10 दिवसांत वाढत आहे. तर, केवळ 2 ते 3 टक्के रुग्ण गंभीर असल्याचे आरोग्यमंत्री म्हणाले. चाचण्यांसाठी शासनाच्या आणि खासगी अशा एकूण 369 लॅबमधून 24 तासांत अहवाल येत आहेत. राज्यात अँटीजेन आणि अँटीबॉडी चाचण्याही वाढवल्या असल्याने घाबरण्याचे कारण नाही, असे आरोग्यमंत्र्यांनी स्पष्ट केले.

सत्तेत असणाऱ्या शिवसेनेने धमकी देणे योग्य नाही; कोण देतंय कंगनाला संरक्षण? वाचा

नाते जपत आजारावर मात करा!
पनवेलमधील एका घटनेत लक्षणविरहित आई कोरोनामुक्त झाली. मात्र, त्यानंतर तिला घरात घेण्यास मुल घाबरू लागली. हा आजार बरा होतो. मात्र हा आजार झालेल्यांशी वाळीत टाकल्याप्रमाणे वागू नका. नातेसंबंध जपत आजारावर मात करा, असे आवाहन आरोग्यमंत्री टोपे यांनी केले आहे. लोक भीतीपोटी खूप चुका करतात. एखादा कोरोनाबाधीत झाल्यास पॅनिक होण्याची गरज नाही, असेही त्यांनी सांगितले.

---------------------------------------------

( संपादन - तुषार सोनवणे )