मुंबई : होळी धुलीवंदन निमित्त मुंबई शहरात ७ मार्च रोजी कायदा व सुव्यवस्था राखणेकरीता बृहन्मुंबई शहरामध्ये एकुण १४९ ठिकाणी विशेष नाकाबंदीचे प्रभावीपणे आयोजन करण्यात आले होते. सदरच्या विशेष नाकाबंदी दरम्यान एकुण २०,२८२ वाहनांची तपासणी करण्यात आली.

यादरम्यान १८८ इसमांवर मद्य प्राशन करून वाहन चालविल्याबद्दल कायदेशिर कारवाई करण्यात आली. हेल्मेट परिधान न करता दुचाकी वाहन चालविल्याबद्दल एकुण ८,८३७ इसमांवर आणि दुचाकी वाहनावर ३ प्रवाशांनी बेकायदेशीररित्या प्रवास केल्याबद्दल एकुण ८५२ इसमांवर कायदेशिर कारवाई केली. तसेच इतर प्रकारचे वाहनासंबंधातील गुन्हे केल्याबद्दल एकुण ३,२९८ वाहन चालकांवर मोटार वाहन कारवाई करण्यात आली आहे.