ठाणे - जेवत असतानाच सहा वर्षीय मुलाने लघूशंका केली म्हणून जन्मदात्या बापानेच गरम चमच्याचे चटके देत मुलाला अमानूष मारहाण केल्याची घटना कल्याण पूर्वेत घडली आहे. कोळसेवाडी पोलिसांनी याप्रकरणी आरोपी बापाला ताब्यात घेत गुन्हा दाखल करण्याची प्रक्रीया सुरु केली आहे. नातेवाईकांमुळे हा प्रकार उघडकीस आला असून या घटनेमुळे परिसरात एकच हळहळ व्यक्त होत आहे. 

हेही वाचा - ऐन लगीनघाई असताना होत्याचं नव्हतं झालं; लालबागच्या स्फोटात नवरी मुलगी मात्र सुखरूप

कल्याण पूर्वेतील विजयनगर परिसरात राहणाऱ्या एका सहा वर्षीय मुलाच्या पायाच्या मांडीवर व पार्श्वभागावर मोठ्या जखमा झाल्या असल्याचे मुलाच्या नातेवाईकांनी पाहीले. त्यांना याविषयी मुलाकडे विचारणा केली असता मुलाने सांगितले की, पप्पांनी मारले आहे. मुलासोबत असे का केले हे विचारणा करण्यासाठी यांच्या घरी गेलेल्या महिलेला सुद्धा मुलाच्या वडीलांनी याने दमदाटी करीत तेथून हकलवून लावले. ही महिला मुलाला घेऊन पोलीस ठाण्यात आली. मुलाच्या अंगावरील चटके पाहून पोलिसही हवालदील झाले. याप्रकरणी कोळसेवाडी पोलिस ठाण्याचे वरिष्ठ पोलिस निरिक्षक शाहूराज साळवे यांनी सांगितले, सचिन कांबळे याला याप्रकरणी ताब्यात घेण्यात आले आहे.

हेही वाचा - 'रंजल्या गांजलेल्यांच्या उन्नतीसाठी आम्ही काम करू'; जयंत पाटील यांचे बाबासाहेबांना पत्र

मुलाने जेवण करताना लघूशंका केली याचा राग आल्याने त्याने घरातील चमचा गरम केला आणि मुलाला चटके देत जखमी केले असून मारहाणही केली आहे. मुलाला मेडीकलसाठी पाठविण्यात आले असून गुन्हा दाखल करण्याची प्रक्रीया सुरु आहे. संबधीत वडिलाची तीन लग्ने झालेली आहेत. पहिल्या पत्नीच्या मृत्यूनंतर दुसऱ्या पत्नीचाही मृत्यु झाला. दुसऱ्या पत्नीकडून हर्ष हा मुलगा आहे. या घटनेमुळे परिसरात एकच खळबळ उडाली आहे. जन्मदाताच एवढा निर्दयी कसा होऊ शकतो असाच प्रश्न पोलिसांसह सर्वांनाच पडला आहे.

Hot clicks given to little boy The act of father in kalyan east 

-----------------------------------

( संपादन - तुषार सोनवणे )