मुंबई - कोरोना संसर्गाच्या बहुतेक केसेस या अधिक जवळ आल्याने तसेच सोशल डिस्टन्सिंगचे पालन न केल्याने समोर आल्या आहेत. त्यामूळे, जास्त जवळ येऊ नका, कोरोनाचा संसर्ग अधिक फैलावतो असे आयसीएमआरने स्पष्ट केले आहे. कोरोना संसर्ग रोखण्यासाठी, शारीरिक अंतर आणि स्वच्छता यासारख्या नियमांचे पालन करणे आवश्यक आहे,असे इंडियन कॉन्सिल ऑफ मेडिकल रिसर्चने (ICMR) सांगितले. 

देशातील इटालियन पर्यटकांमध्ये कोरोना संसर्गा संदर्भात अभ्यासाचे निष्कर्ष सांगत आयसीएमआरने म्हटले की, जवळपासच्या लोकांशी संपर्क असणाऱ्या लोकांमध्ये कोरोना संसर्गाची अधिक प्रकरणे समोर आली आहेत. अशा परिस्थितीत, जवळच्या नातेवाईकांची भेट टाळणे, त्यांची कोरोना टेस्ट करणे आणि कोरोना पॉझिटिव्ह रुग्णांना आयसोलेशनमध्ये ठेवल्याने कम्युनिटी ट्रान्समिशन टाळणे सोपे होईल. 

मोठी बातमी - 31 मे नंतर लॉकडाऊन 5.0, की उठणार राज्यातला लॉकडाऊन? वाचा पुढे काय...

भारतात सुरुवातीला मार्च-एप्रिल दरम्यान 16 इटालियन पर्यटकांमध्ये आणि भारतीय कोरोना संसर्ग झालेल्या लोकांवर सविस्तर अभ्यास करण्यात आला. त्यानंतर, आयसीएमआरचा हा अभ्यास इंडियन जर्नल ऑफ मेडिकल रिसर्चमध्ये प्रसिद्ध झाला आहे. आयसीएमआरने नमूद केले की, बरेच कोरोना पॉझिटिव्ह असलेल्या रूग्णांमध्ये कोणतीच कोरोनाची लक्षणं आढळली नाहीत. त्यामुळे कॉन्टॅक्ट ट्रेसिंग (संपर्क प्रसार) कोरोनाचा प्रसार थांबवणे सर्वात महत्वाचे आहे.

मोठी बातमी - ३१ मे नंतर काय ? अजित पवार मुख्यमंत्र्यांना भेटून करणार 'ही' मागणी

स्वाईन फ्लुच्या धर्तीवर उपचार

2009 मध्ये आलेला स्वाइन फ्लूचा संसर्ग आज ही कायम आहे. त्यामुळे, त्या परिस्थितीचा धडा घेत सरकारने आधीच खबरदारी घेतली आहे. आयसीएमआरने म्हटले की, सरकारने यावेळेस इंटेलिजेंट टेस्टिंग स्ट्रॅटेजी स्वीकारली आणि सर्व देशभर पसरणाऱ्या कोविड -19 या साथीच्या आजारांविरूद्धच्या लढाईत आपली तयारी अधिक बळकट केली. आज देशातील 432 सरकारी आणि 178 खासगी प्रयोगशाळांमध्ये दररोज 1.1 लाख नमुन्यांची चाचणी केली आहे.

this is how corona spread faster than its normal speed read full news