मुंबई : 1993 सालच्या बॉम्बस्फोट प्रकरणी अभिनेता संजय दत्तला टाडा न्यायालयाने हत्यारे कायद्यानुसार दोषी ठरविले होते. या प्रकरणी दत्तला सहा वर्षे सक्तमजुरीची शिक्षा सुनावली होती. मात्र, दत्तची शिक्षा सर्वोच्च न्यायालयाने अपील याचिकेत पाच वर्ष केली होती. ही शिक्षा भोगण्यासाठी तो मे 2013 मध्ये येरवडा कारागृहात हजर झाला होता. शिक्षेदरम्यान अनेकदा दत्तला पॅरोल आणि फर्लो रजा मंजूर करण्यात आली होता. त्यानंतर चांगल्या वर्तणुकीमुळे त्याला तब्बल 256 दिवसांपूर्वीच कारागृहातून सोडण्यात आले होते. 

...नाहीतर आम्हाला तुरुंगात जावे लागले असते; अभिनेता अमित साधने सांगितला भन्नाट किस्सा...

माजी पंतप्रधान राजीव गांधी हत्या प्रकरणात आरोपी ए.जी.पेरारीवलन याला जन्मठेपेची शिक्षा सुनावण्यात आली होती. ज्या बॉम्बच्या मदतीने गांधी यांची हत्या झाली त्याच्यासाठी वापरण्यात आलेल्या नऊ व्होल्ट्सच्या दोन बॅटरी पेरीवलनने पुरविल्या होत्या, असा आरोप त्याच्यावर आहे. ज्या वेळी घटना घडली तेव्हा तो एकोणीस वर्षाचा होता. मागील 29 वर्षांपासून तो चेन्नईमधील पुझल मध्यवर्ती कारागृहात आहे. हत्यारे कायद्याअंतर्गत त्यालाही शिक्षा सुनावण्यात आली आहे.

अंतिम वर्षांच्या परीक्षांबाबत खुलासा करा; सर्वोच्च न्यायालयाचे 'यूजीसी'ला निर्देश

दरम्यान, पेरीवलनने अभिनेता संजय दत्तच्या कारागृहातील सुटकेची माहिती मिळवण्यासाठी मुंबई उच्च न्यायालयात याचिका दाखल केली आहे. दत्त आणि माझ्या खटल्यात साम्य आहे, त्यालाही हत्यारे कायद्यामध्ये शिक्षा झाली होती. मात्र आता तो सुटला आहे. त्यामुळे या खटल्यातील कायदेशीर तरतुदी माझ्या सुटकेसाठी पडताळायच्या आहेत. तरी त्याची माहिती येरवडा कारागृह प्रशासनाला देण्याचे निर्देश द्यावे, अशी मागणी त्याने याचिकेत केली आहे. 

मुंबईकरांना दिलासा; शहरातील ज्येष्ठ नागरिकांमध्ये ऑक्सीजनची पातळी सामान्य.... 

माहिती अधिकार कायद्यामध्ये त्याने अर्ज केला होता. मात्र, अर्जाची दखल घेतली नाही, असे त्याचे म्हणणे आहे. दत्तच्या सुटकेमध्ये बाधा आणण्याचा हेतू नाही, असा दावा त्याने केला आहे. अॅड. नीलेश उके यांच्यामार्फत केलेल्या याचिकेवर लवकरच सुनावणी होण्याची शक्यता आहे.
----
संपादन ः ऋषिराज तायडे