मुंबई - मी सर्वाधिक टॅक्स भरते, जादा टॅक्स भरणा-यांच्या यादीत माझे नाव आहे. आतापर्यत अनेकांना रोजगार दिला आहे. मी हरामखोर नाही, सगळ्यात जास्त मानधन घेणारी आभिनेत्री आहे. माझ्यावर आरोप करणा-या संजय राऊत यांनी आपली माफी मागावी. अशी मागणी एका वृत्तवाहिनीला दिलेल्या मुलाखतीत अभिनेञी कंगणाने केली आहे.
गेल्या काही दिवसांपासुन वादग्रस्त विधानामुळे कंगना चर्चेत आहे. या विधानांमुळे तिला अनेक स्तरांतुन टीकेला सामोरे जावे लागत आहे. यासगळयात महारा्ष्ट्र सरकार आणि बॅालीवुडमधील माफीयासोबत तिची तु-तु मैं सुरु आहे. आता तर एकामागुन एक कलाकार कंगणाच्या वक्तव्यांचा समाचार घेऊ लागले आहेत. कंगणा म्हणाली, आता मला सारखे धमक्यांचे फोन येऊ लागले आहेत. पालिका प्रशासनाने केलेल्या कारवाईत कंगणाच्या घराचा काही भाग तोडण्यात आला आहे. घर तोडल्यानंतर आपल्यावर कुणी बलात्कार केला आहे अशी भावना कंगणाने व्यक्त केली आहे. ती म्हणते, कुठलेही सरकार हे सर्व नागरिकांसाठी पित्यासमान आहे.
रक्षण करणारे जेव्हा भक्षक होतात अशावेळी नागरिकांनी काय करायचे असा सवालही तिने उपस्थित केला आहे. माझ्या घरासोबत जे काही झाले ते सरकारमुऴे कुण्या एका व्यक्तिमुऴे नव्हे. शिवसेनेचे खासदार संजय राऊत यांनी केलेल्या टीकेला कंगणाने कडक शब्दांत उत्तर दिले आहे. आपण सर्वाधिक मानधन घेणारी अभिनेञी असुन मोठया प्रमाणात शासनाच्या तिजोरीत कर भरते. याशिवाय कित्येकांना रोजगार देण्यात महत्वाची भूमिका पार पाडली आहे.
बॅालीवुडला ड्रग्सची लागण झाली असल्याचे विधान कंगणाने केल्याने ती वादाच्या भोव-यात सापडली आहे. मुंबई म्हणजे पाकव्याप्त काश्मीर असल्याच्या विधानावरुन तिला आता धमक्या येण्यास सुरुवात झाली आहे. आपले मिञ, नातेवाईक आणि शेजारी यांना टॅाचर केले जात आहे. आपल्याला शिवीगाळ करुन धमकी दिली जात आहे. ड्रग्जच्या केसेसमध्ये अडकवु असे म्हणुन दबाव टाकला जात आहे. कंगणाच्या वादग्रस्त विधानाला उत्तर देण्यात आता समाजवादी पक्षाच्या खासदार जया बच्चन आणि बॅालीवुडची ड्रीम गर्ल हेमा मालिनी यांनीही उडी घेतली आहे. अभिनेञी उर्मिला मातोंडकर हिने नुकतीच एका वाहिनीला दिलेल्या मुलाखतीत कंगणावर टीका केली. यामुऴे पुन्हा नव्या वादाला तोंड फुटले आहे.
--------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.