मुंबई: "मला ईडीचं (ED) दुसर समन्स (Summons) मिळालं आहे. मी आता चौकशीला जात आहे. मी शिवसेनाप्रमुखांची, माझ्या मुलींची शपथ घेऊन सांगेन की, मी काहीही चुकीचं काम केलेलं नाही" असं अनिल परब (Anil parab) चौकशीला जाण्यापूर्वी माध्यमांशी बोलताना म्हणाले. ते राज्याचे परिवहन मंत्री (Transport minister) आहेत. ईडीने चौकशीसाठी अनिल परब यांना समन्स बजावलं आहे.
"ईडीने नेमकी कशासाठी नोटीस बजावलीय, ते आपल्याला माहित नाही" असे अनिल परब यांनी सांगितले. "मी चौकशीला पूर्ण सहकार्य करीन. मला का बोलावलय ते अजूनही माहित नाही. मी चौकशीला तिथे गेल्यानंतरच समजेल. आज चौकशीला बोलावलं आहे. माझ्याकडून कुठलीही चूक झालेली नाही" असे त्यांनी सांगितले.
अनिल परब ईडी कार्यालयात दाखल झाले आहेत. शंभर कोटी वसुली प्रकरणात अनिल परब यांची चौकशी होणार आहे. पालिका कंत्राटदाराकडून वसुली करण्यास सांगितल्याचा आरोप सचिन वाजेने केला होता, तसेच परिवहन विभागातील भ्रष्टाचाराबाबत गजेंद्र पाटील यांनीही ईडीत तक्रार दाखल केली होती. पहिल्या समन्सला परब हे गैरहजर राहिले होते.
मध्यंतरी केंद्रीय मंत्री नारायण राणे यांच्या अटकेमध्ये अनिल परब महत्त्वाची भूमिका बजावत असल्याचे एका व्हिडीओमधून दिसले होते. तेव्हापासूनच, अनिल परब यांना टार्गेट करण्यात येईल, अशी चर्चा होती. अखेर मागच्या महिन्यात अनिल परब यांना ED कडून पहिली नोटीस बजावण्यात आली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.