पनवेल : शिव (Sion) - पनवेल (Panvel) महामार्गावरील कळंबोली मक्डोनाल्ड या ठिकाणी प्रवासी वाहतूक अथवा इतर करणा साठी थांबणाऱ्या वाहन चालका विरोधात कारवाई करत कळंबोली(Kalamboli) पोलिसांनी (Police) मागील आठ महिन्यात १२ हजार १४३ केसेस दाखल करून ५२ लाखा पेक्षा जास्तची दंड आकारणी केली असल्याची माहिती पोलीस ठाण्याच्या वतीने देण्यात आली आहे.

मुंबई - नवी मुंबई मधून राज्यातील इतर भागात जाण्यासाठी वापरात असलेल्या मुबंई - पुणे द्रुतगती महामार्गाची सुरवात शिव - पनवेल महामार्गावरील कळंबोली मॅक्डोनाल्ड या ठिकाणावरून होत असल्याने या ठिकाणी प्रवासी वाहतूक करणारी वाहाणे तसेच इतर वाहनांची मोठी वर्दळ असते.शनिवार, रविवार तसेच सुट्टीच्या दिवशी वाहनाच्या संख्येत मोठी वाढ होत असल्याने वाहतूक कोंडी होऊन अनेकदा लहान मोठे आपघात घडत असल्याने या वाहने उभी करण्यास तसेच खाजगी वाहनाना प्रवासी घेण्यास मनाई असताना देखील अनेक वाहन चालक प्रवाशी घेण्यासाठी अथवा इतर कारणासाठी आपली वाहन रस्त्यावर उभी करत असल्याने वाहतूक विभागा कडून आशा वाहन चालका विरोधात नेहमीच कारवाई करण्यात येत असते.

स्थानिक वाहतूक विभागाच्या कर्मचाऱ्यांसोबतच कळंबोली पोलीस ठाण्याने देखील कळंबोली मॅक्डोनाल्ड येथे प्रवाशांची होणारी गर्दी लक्षात घेत प्रवाशांच्या सुरक्षिततेचि काळजी घेण्यासाठी या ठिकाणी सुरक्षा चौकी उभारत पोलीस कर्मचाऱ्यांची नेमणूक केली असून,वाहतुकीचे नियम मोडणाऱ्या वाहन चालका विरोधात ऑनलाईन कारवाई करण्याचे अधिकार कर्मचार्यांना दिले असल्याने पोलीस कर्मचाऱ्यांच्या वतीने मागील आठ महिन्यात करण्यात आलेल्या १२ हजार १४३ केसेस द्वारे ५२ लाख ३२ हजार ६०० रुपये दंडाची आकारणी करण्यात आली आहे.